A economía alemana sufriu unha caída de dúas décimas no último trimestre de 2011. En comparación interanual, o Produto Interior Bruto (PIB) avanzou un 1,5%. Neste enlace está toda a información do organismo estatístico oficial de Alemaña, o Destatis.
Na primeira presentación pública dos EcoGaleguistas, acontecida este pasado serán na Galería Sargadelos da Coruña, houbo ao redor de dúas ducias de asistentes e moito debate no final. O día 25 de febreiro está prevista a asemblea nacional constituínte deste novo grupo político, que pretende formar parte do que se vén chamando Novo Proxecto Común.
+Galiza manifesta que os seus membros na Executiva Nacional do BNG aceptaron os seus cargos "por imperativo estatutario". Na circular interna, afirma: "Máis Galiza, a pesar das ofertas da APU, rexeitou ter postos de relevancia e optou por levar responsabilidades de baixo perfil político, á espera da decisión definitiva que a militancia adopte na Asemblea Nacional do día 11 de marzo."
González Pons atribúelle ao ministro de Educación, José Ignacio Wert, a "recuperación dun tesouro roubado polos piratas" e o "descubrimento doutra Gioconda, tamén do entorno de Leonardo, pero moito máis moza e moito máis guapa". No diario Público
"Portugal está afundíndose nun gran buraco" malia que xa fixo "todo o que lle esixiu a troika a cambio dos 78.000 millóns" do seu rescate. Desde que se produciu a intervención a débeda medrou once puntos porcentuais respecto ao PIB. Reportaxe do diario The New York Times.
Colectivos xuvenís nacionalistas como Galiza Nova, os Comités, a Liga Estudantil Galega e Agir manifestáronse esta tarde na Facultade de Filosofía da USC contra unha homenaxe a Manuel Fraga incluída no III Curso Xerardo Fernández Albor sobre o trixésimo aniversario da autonomía. Os manifestantes interromperon a celebración do acto por ser "unha homenaxe a unha persoa que participou no franquismo" nun espazo "de convivencia" como a universidade.
Miguel Santalices estréase esta tarde dirixindo o pleno do Parlamento, relevando á presidenta, Pilar Rojo. É vicepresidente da Cámara dende esta mañá, cando asumiu o cargo que ocupaba o novo presidente da Deputación de Ourense, Manuel Baltar.
Anulada -outra vez- a reunión dos ministros europeos de Finanzas para abordar o segundo rescate grego. A última hora que reportan os medios gregos vinculan esta decisión ao feito de que Atenas aínda negocia como recortar outros 300 millóns de euros máis
Controversia en torno á foto das deputadas: as parlamentarias do PSdeG non asistiron por considerar que a maioría de mulleres na Cámara é "circunstancial" e vén motivada porque deputados do PP foron chamados outros postos de relevancia. As deputadas do BNG si asistiron por "cortesía parlamentar", aínda que tamén consideran que "se debe a motivos circunstanciais" que en nada demostran que se conseguira a igualdade real entre homes e mulleres".
Os delegados da CIG en Novagalicia Banco irán este mércores a Santiago para mobilizarse ás portas do Parlamento de Galicia. No interior, Alberto Núñez Feijóo terá que responder a unha pregunta do BNG sobre a privatización das caixas galegas