O grupo de innovación docente CienciaNosa (USC) difunde a nova versión en galego da táboa periódica, cos novos elementos químicos incorporados en 2016: nihonio, moscovio, ténnesso e oganesson. Pódese consultar nesta ligazón.
Fálase
-
As federacións galegas de transportistas (Fetram e Fegatrans) denuncian as prácticas de cesión ilegal de traballadores que se dan "na maioría das axencias de paquetería de Vigo", que obrigan os condutores das empresas de transporte "a traballar gratuitamente como almacenistas nos seus centros", sinalan
O Consello da Cultura Galega presenta unha publicación monográfica sobre os debates ao redor do fuso horario, coordinada por Jorge Mira. O texto (que se pode descargar de balde) será remitido ao Goberno central e galego e ás camaras lexislativas
Unha muller con orixe galega, entre as vítimas dos atentados deste mércores en Londres. A nai da falecida é natural de Betanzos
A xestora do PSOE acusa a Pedro Sánchez de financiamento ilegal por continuar co sistema de crowdfunding ata o congreso do partido
Así foi o regreso da neve a Galicia, segundo os radares de Meteogalicia. Este xoves boa parte do territorio galego continuará en alerta laranxa ou amarela por nevaradas.
O balance provisional do ataque de Londres é de catro persoas mortas e vinte feridas. As autoridades británicas están a abordar o sucedido coa consideración de atentado terrorista, informaron durante a tarde.
A Audiencia Nacional absolve un tuiteiro acusado de enaltecemento do terrorismo, sinalando que hai que valorar que ETA abandonou as armas hai anos e que non se pode censurar todo nunha sociedade democrática, nunha sentenza que se afasta da liña marcada por ditames anteriores, coma a que se lle aplicou a César Strawberry. Este mesmo mércores a Fiscalía rebaixou a un ano a pena solicitada para a estudante que fixo chistes sobre Carrero Blanco.
O PP rexeita no Parlamento propoñer a elaboración dunha Lei galega da memoria histórica, como fora proposto polo BNG. En Marea apoiou a iniciativa e o PSdeG-PSOE pediu votar por separado os distintos puntos da moción, absténdose na petición de derrogación da Lei de Amnistía e de anular as sentenzas ditadas polos tribunais franquistas. A Comisión pola Recuperación da Memoria Histórica vén de criticar a posición de PP e PSOE.
Varias persoas feridas nun tiroteo nas proximidades do Parlamento británico, en Londres. Un policía foi apuñalado e o asaltante foi abatido ao carón dos edificios parlamentarios. Ao tempo, varias persoas foron atropeladas na ponte de Westminster, moi próxima ao lugar dos feitos. The Guardian está a informar en directo, e a BBC e Sky News ofrecen imaxes ao vivo.