Os galegos con rendas baixas crecen en 47.000 desde o inicio da crise. A media de ingresos por fogar caeu en 134 euros mensuais.
Fálase
François Fillon e Alain Juppé concorrerán o vindeiro domingo na segunda volta das primarias da dereita francesa, tras acadar o 43,7% e o 27,8% na primeira volta, superando a Nicolas Sarkozy (21,7%). Fillon, cun discurso máis conservador, creceu nas últimas semanas e aparece como o gran favorito, tras recibir o apoio de Sarkozy. Ao redor de catro millóns de persoas participaron na votación.
O activista Lagarder Danciu recibe unha malleira ao protestar contra a manifestación franquista que se levou a cabo este domingo en Madrid
PNV e PSE pechan un acordo para gobernar Euskadi en coalición. Os socialistas xestionarán tres consellerías. O acordo deixa as mans libres a cada partido para defender a súa propia postura en materia de autogoberno. Si acadaron un consenso para demandar a transferencia das prisións e a flexibilización da política penitenciaria.
Feijoo mira xa ás municipais de 2019 e fixa a recuperación das alcaldías da Coruña, Compostela e Ferrol e da Deputación de Pontevedra como principais retos do PPdeG.
A dereita francesa elixe este domingo en primarias o seu candidato ás eleccións presidenciais do vindeiro ano. Alain Juppé aparece como favorito nas enquisas (37%), seguido de Nicolas Sarkozy (30%) e François Fillon (17%), en crecemeno nas últimas semanas. Se ningún acada o 50% o vindeiro domingo celebrarase unha segunda volta entre os dous máis votados.
Diagonal entrevista as responsables de Sangre Fucsia, que hai un mes lanzaron unha campaña de crowdfunding para lanzar un trivial feminista, que leva recadados máis de 50 mil euros e vai camiño de ser unha das iniciativas de microfinanciamento máis exitosas. Hai tres anos o Observatorio da Mariña pola Igualdade presentou un trivial feminista con máis de mil preguntas, moitas referidas a mulleres galegas
Público repasa as nove localidades españolas que aínda continúan tendo un alcalde que foi nomeado durante a ditadura franquista, entre elas Beade (Senén Pousa, dende 1974) e Taboadela (Manuel Gallego, dende 1972)
María do Cebreiro (na modalidade de Creación Literaria), Uxía (Música) e Alberte Pagán (Cine e Artes Audiovisuais), Premios da Crítica de Galicia 2016. Tamén recibiron galardóns Blanca Roig na categoría de Investigación, o Observatorio pola Igualdade da Mariña na de Iniciativas Culturais e Científicas, Gabriel Tizón na de Artes Plásticas, Teatro Atlántico na de Artes Escénicas, e Artesáns da Pesca na de Cultura Gastronómica
Anova avoga por consolidar En Marea como "lugar no que todo o mundo poida participar". Antón Sánchez, coordinador da formación, apostou este sábado dende A Coruña por contribuir "decisivamente" a "territorializar" e "abrir canles de participación" no partido instrumental