Fálase

O conselleiro de Economía e Industria, Francisco Conde, afirma que Edgewater, promotora da mina de Corcoesto "ten tempo de presentar un novo proxecto", despois de que a proposta inicial non cumprise os requisitos mediambientais e financeiros. E salienta que a Xunta "apoiará" estes proxectos se cumpren coa lexislación.

Núñez Feijoo sinala que a Xunta volverá concertar con centros que segregan por sexo. O PP aceptou unha emenda de UPN no Senado e a Lomce resarcirá os colexios segregadores aos que se lles denegou o concerto en virtude de numerosas sentenzas xudiciais neste senso.

O Goberno valenciano tenta retomar o control de Canal 9 cun decreto lei no que argumenta a necesidade de devolver a "normalidade ao servizo público" que pretende pechar. En El Diario

O Consello da Cultura acolle as xornadas A modelización da terra en Galicia, coordinadas pola matemática Elena Vázquez, que define o seu oficio como "facerlle unha foto á realidade cunha cámara que precisa información interdisciplinar"

A Organización Meteorolóxica Mundial anuncia un novo récord na concentración de gases de efecto invernadeiro durante 2012. Dende 1990 este índice incrementouse nun 34%

Televinte entrevista a Dani, o rapaz de Taboada que protagoniza o Wrecking Ball galego, que triunfa nas redes sociais.

O primeiro temporal do outono, con ondas de máis de dez metros, cuestiona o emprezamento e a operatividade do porto exterior da Coruña, segundo destaca Faro de Vigo.

Ganapán debulla o custo dos diferentes formatos publicitarios nas redes sociais. Inserir publicidade na pantalla de log out de Facebook, como fixo o Ministerio de Defensa polo Día de las Fuerzas Armadas, supera o medio milón de euros.

Persoal da CRTVG concéntrase a esta hora na sede da compañía en solidariedade cos traballadores e traballadoras da Radio Televisió Valenciana. (foto: Fito Ferreiro)

A programación autoxestionada dos traballadores de Canal 9 triplica a audiencia habitual da canle, destaca El Diario. Un debate plural emitido en prime time foi mesmo líder de audiencia na Comunidade Valenciana, cun 13,7% de share.