Fálase

José Fernández Albertos destaca a relación entre o voto maioritario ao PP en 2009 co descenso da participación: na Coruña aqueles concellos nos que o PP gañara por ampla marxe teñen máis abstención.

En Euskadi, a participación ás 17 horas cae apenas 1,22 puntos: dende o 48,42% de 2009 até o 47,2%. Ademais, sobe en Guipúscoa.

AGE denuncia carretaxe de votantes enfermos por parte de monxas en Ourense e por membros do PP en Lugo, así como outras incidencias que denuncia a través dun blog. Algunhas delas xa foron denunciadas.

Este domingo pola noite chegarán a Barajas dous dos activistas españois do veleiro Estelle, que este sábado foron abordados polo exército israeli cando tentaban rchar o bloqueo maritimo en Gaza. Son o deputado Ricardo Sixto e Begoña Zabala

Beiras: "Aínda que morrese hoxe, sería feliz". O candidato de AGE vota e asegura que pase o que pase será feliz porque pagou a pena o traballo de estímulo da cidadanía durante a campaña. Imaxe de @jordi_palmer.

Denuncian que representantes do PP distribúen viño e empanada ás portas do colexio electoral de Santa María de Teo.

Feijóo: "Sabemos o que nos xogamos e non nos xogamos como lle vaia ao Goberno central, xogámoslle como lle irá a Galicia". O presidente da Xunta foi o último dos principais candidatos en depositar o voto, tras responder en castelán a unha pregunta dun xornalista en inglés. "Querida amiga, estamos intentando mellorar o noso inglés", dixo.

A participación cae máis de tres puntos con respecto a 2009. Ás 12 votara en Galicia o 12,72% do censo, fronte ao 16,10% de 2009. Votou menos xente en todas as provincias e comarcas do país.

AGE denunciará a "carretaxe" de anciáns en Lugo. Representantes do PP levan persoas en cadeiras de rodas a votar, segundo Alternativa, que cre que proceden dun asilo achegado ao colexio electoral.

Yolanda Díaz vota en Ferrol e pide "á xente nova" que acuda ás urnas. A candidata de AGE lembra que "se o pobo non vota, outros dicidirán por eles".