A espionaxe a Bárcenas revela que a brigada política de policías que operou contra rivais políticos do PP tamén manobrou para protexer o Goberno de Rajoy fronte aos casos de corrupción do propio partido. Unha información de eldiario.es
Fálase
O maquinista do tren accidentado en Angrois subliña que "o único que avisaba de que o tren tiña que empezar a frear" na curva era a propia "memoria" do condutor. Afirmouno Francisco José Garzón nunha entrevista en laSexta, na que reitera a súa petición de que as vítimas poidan coñecer toda a "verdade" do sucedido. O pasado xullo Garzón xa amosara o seu agradecemento ás vítimas na comisión do Congreso que investiga o accidente, onde criticara que o Goberno o sinalara dende o inicio como único culpable.
Camila Viéitez. Misterios bonitos de ver. María Villamarín entrevista para Vinte á "Virxe do Cristal do fanzine galego", cuxa obra chega tamén á Colección Vinte.
A serie Fariña, da galega Bambú Producciones, unha das triunfadoras nos Premios Feroz tras lograr o galardón á mellor serie dramática, mellor actor protagonista (Javier Rey) e mellor actor de reparto (Antonio Durán, Morris)
Un cento de buques navega cada día fronte a Galicia e un terzo deles transporta mercadorías perigosas. É unha información de La Opinión de A Coruña
Pablo Ibar volve ser condenado nos Estados Unidos por un suposto triplo asasinato malia ás dúbidas sobre as probas evidenciadas durante a repetición do xuízo. Agora resta determinar se lle impoñen pena de cadea ou, outra volta, de morte. O xornalista galego Nacho Carretero entrevistou a Ibar en 2012 no corredor da morte, onde o tiveron preso case dúas décadas, e relatou o alí vivido nesta información de Praza
Regresan as chuvias a toda Galicia. Segundo Meteogalicia, este sábado é o "primeiro día do ano con chuvia importante" en todo o país. A borrasca trae consigo un "río atmosférico que achega moita humidade" e tamén un incremento das temperaturas, o que afasta a posibilidade de nevaradas.
Oriol Junqueras: "Os demócratas españois deben entender que os republicanos cataláns somos os seus mellores aliados". O presidente de ERC afírmao nunha entrevista no cárcere con eldiario.es
A conta de Twitter do Luar da TVG recupera a normalidade tras o hackeo polo que durante unhas horas estivo a divulgar mensaxes atribuídas ao magnate sudafricano Elon Musk.
Feijóo abre a convención que o PP celebra en Madrid reivindicando a "moderación" e a xestión de Rajoy. Prevese que neste evento a nova dirección liderada por Pablo Casado escenifique o xiro da formación cara a posturas máis duras para así evitar a fuga de votos cara á extrema dereita nas eleccións de maio.