Hóquei a patíns. O Liceo ratifica o seu liderado na OK Liga tras vencer na pista do Igualada por 3 a 4. A falta de só unha xornada para o final da primeira volta, os coruñeses avantaxan o Barcelona en dous puntos e o Vendrell, sorprendente terceiro colocado, en dez. Na Primeira División masculina, o Cerceda gañou 4 a 2 na casa fronte ao Areces asturiano e consolídase nos tres primeiros postos que dan dereito ao ascenso. En categoría feminina, nova derrota do Traviesas vigués, desta vez por 0 a 6 na casa fronte ao potente Biesca xixonés: as viguesas seguen colistas, con 0 puntos tras as nove primeiras xornadas. Pola súa banda, o Borbolla caeu por 2-4 ante o Palau.
Fálase
O Obradoiro perde por 89-87 ante o Joventut de Badalona e non xogará a Copa do Rei de Baloncesto tras un partido no que chegou a ir gañando por 16 puntos.
O Ministerio do Interior incluirá as pistolas de paintball no regulamento de armas, segundo conta La Información
Ángel Carromero, dirixente de Nuevas Generaciones condenado en Cuba por homicidio imprudente, cobra máis de 50.000 euros anuais por "axudarlle a unha concelleira" de Madrid. Cóntao El País.
O Partido Socialista de Portugal advirte de que non será "cómplice" dos novos recortes impostos polo FMI e reclama eleccións anticipadas se son aplicados. No diario Público.
O PP confirma que vetará a investigación dos contratos de Baltar na Deputación de Ourense. Cóntao Galiciaé
O Obradoiro pode conseguir esta mañá a súa primeira clasificación para a Copa do Rei de baloncesto. Participará no torneo se lle gaña ao Joventut no partido que comeza ás 12:40 e que retransmite en directo a TVG2.
El País detalla a "guerra" de alcaldes do PP contra minas e parques eólicos autorizados pola Xunta
As portadas dos diarios impresos deste domingo son diversas. El País ofrece un inquérito no que o 96% dos españois sinala que a corrupción no Estado é moi alta. En La Razón, Ruiz-Gallardón asegura que non haberá beneficios penitenciarios para os presos de ETA. En Galicia, El Progreso detalla que o Goberno central non ofrece datas para o prometido tren rápido a Madrid.
Bilbao acolleu esta tarde unha multitudinaria manifestación na que se esixiu "un cambio de raíz na política penitenciaria". En El Diario