As premiadas cos Premios Estatais do Traballo Social reciben o seu galardón en Compostela. Na imaxe, Maje Girona, Ana I. Lima, Gabirel Sáchez, coordinadora de Desalambre de eldiario.es, e Patrocinio de las Heras. Ignacio Escolar enviou un vídeo de agradecemento.
A xuíza De Lara imputa a Besteiro na operación 'Pulpo' xunto a outras seis persoas, entre elas o xefe de protocolo da Deputación de Lugo e o empresario Raúl López, presidente de Monbús. A información, hoxe en Praza.
O PSdeG abre un espazo web de recolleita de propostas para o seu programa das eleccións galegas, cuxo equipo coordinador foi presentado este venres. Besteiro subliña que os socialistas son os primeiros en comezar a elaborar un programa para "cambiar Galicia".
Feijóo insta o Concello de Lugo a modificar o PXOM para evitar o derrubamento da planta ilegal de Leite Río. O propietario da compañía ameaza con levar a factoría a Madrid.
O goberno de Rajoy négase a someterse ao control do Congreso baseándose nun informe da Avogacía do Estado que publica a Cadena SER. Os populares instan a oposición a acudir aos tribunais se pretenden comparecencias do Executivo en funcións.
A Mesa censura o envío de convites en castelán para a homenaxe da Xunta a Xosé Neira Vilas
A suma de PP e Ciudadanos achegaríase á maioría absoluta nunhas novas xerais, segundo unha enquisa de El Periódico de Catalunya
Persoas refuxiadas advirten dende Lesbos que entregalas a Turquía, como pretende a UE, equivale a devolvelas a Siria. En eldiario.es
O actual Goberno de España xa apostou por multar as filtracións xornalísticas sobre investigacións xudiciais e tivo que recuar. Lémbrao eldiario.es. EDITORIAL de Praza Pública sobre as ameazas gobernamentais pola publicación das mensaxes dos reis.
A Xustiza europea sentenza o incumprimento na depuración de augas na ría de Pontevedra. Recólleo Faro de Vigo