O fiscal xeral do Estado recoñece que non é posible abrir unha causa penal global contra as caixas polas preferentes. Torres-Dulce descarta unha impugnación global por delito de estafa, pero recoñece que son "un produto financeiro opaco, que se gobernou mal e que estaba previsto para un tempo sen crise".
Neonazis gregos agreden un deputado de Syriza. Membros de Amencer Dourado golpeárono no descanso dun partido de fútbol.
Os funcionarios perderán a metade do soldo os días que non vaian traballar. Facenda penalizará os empregados públicos que falten ao traballo por unha incapacidade temporal que non supere os tres días de baixa, segundo adianta La Información.
Banco Santander absorbe Banesto. A entidade vén de comunicar á CNMV a intención de integrar Banesto e Banif baixo a mesma marca, segundo informa Cinco Días.
Un grupo de prestixiosos cientificos do Reino Unido, encabezados por Stephen Hawking, publican unha carta para pedirlle ao goberno británico que indulte a Alan Turing, perseguido e condenado hai 60 anos por ser homosexual
Sinpermiso publica unha entrevista con Jean Luc Mélenchon na que o líder da Front de Gauche chama a construír a esquerda sobre o ecoloxismo e afirma que a socialdemocracia "ten unha incapacidade radical de ser ecoloxista, posto que se impón como obxectivo repartir os froitos do crecemento"
A Asemblea de desempregad@s da CIG levou a cabo este domingo unha acción ante o hipermercado Alcampo en Ferrol para denunciar a política de eliminación daqueles alimentos próximos á caducidade que realizan as grandes superficies e cadeas de supermercados.
Bildu solicita que a televisión pública vasca non emita a mensaxe de nadal do rei Juan Carlos. ETB só a emitiu nos anos de goberno do PSE, entre 2009 e 2011.
O PSdeG-PSOE creará en Ferrol unha Casa do Pobo co nome de Pablo Iglesias. Estará moi preto da actual sede do partido na cidade.
Novagalicia Banco traslada ao banco malo 1.350 inmobles, o 41% do seu parque de vivendas. A meirande parte dos pisos están na costa mediterránea.