Banco Santander absorbe Banesto. A entidade vén de comunicar á CNMV a intención de integrar Banesto e Banif baixo a mesma marca, segundo informa Cinco Días.
Fálase
Un grupo de prestixiosos cientificos do Reino Unido, encabezados por Stephen Hawking, publican unha carta para pedirlle ao goberno británico que indulte a Alan Turing, perseguido e condenado hai 60 anos por ser homosexual
Sinpermiso publica unha entrevista con Jean Luc Mélenchon na que o líder da Front de Gauche chama a construír a esquerda sobre o ecoloxismo e afirma que a socialdemocracia "ten unha incapacidade radical de ser ecoloxista, posto que se impón como obxectivo repartir os froitos do crecemento"
A Asemblea de desempregad@s da CIG levou a cabo este domingo unha acción ante o hipermercado Alcampo en Ferrol para denunciar a política de eliminación daqueles alimentos próximos á caducidade que realizan as grandes superficies e cadeas de supermercados.
Bildu solicita que a televisión pública vasca non emita a mensaxe de nadal do rei Juan Carlos. ETB só a emitiu nos anos de goberno do PSE, entre 2009 e 2011.
O PSdeG-PSOE creará en Ferrol unha Casa do Pobo co nome de Pablo Iglesias. Estará moi preto da actual sede do partido na cidade.
Novagalicia Banco traslada ao banco malo 1.350 inmobles, o 41% do seu parque de vivendas. A meirande parte dos pisos están na costa mediterránea.
Despois da celebración da Asemblea Federal de IU, Luis García Montero aposta pola constitución dunha fronte de esquerdas: "Esquerda Unida ten a oportunidade histórica de converterse no motor principal da configuración dunha nova maioría social republicana".
A emisión por primeira vez na televisión chinesa de V de Vendetta esta fin de semana tivo un grande impacto nas redes sociais do pais, segundo recolle Le Monde.
O partido de Hugo Chávez imponse en 20 dos 23 estados nas eleccións rexionais que esta fin de semana se celebraron en Venezuela. A oposición perdeu catro dos sete estados que controlaba.