O 'número tres' de Rajoy, Carlos Floriano, acude ao comité de campaña do PP galego. Segundo publicou Europa Press este domingo, o obxectivo da visita é "mobilizar" os cargos populares cara ás municipais. A visita a Compostela é o inicio dunha rolda por todo o Estado.
Enrique Dans @edans clausura esta tarde en Lugo o ciclo InnovaTE2 cunha palestra na Deputación sobre alfabetización dixital. Pódese seguir o streaming do evento nesta ligazón
Louzán e o alcalde de Vilagarcía prometen melloras nun aparcadoiro dende o púlpito dunha Igrexa. Recolleuno Faro de Vigo
Fomento anuncia unha quenda de traballo nocturno para "axilizar ao máximo" as obras do treito pendente da terceira rolda da Coruña, inaugurada por Ana Pastor e Feijóo o pasado sábado, antes de que a lei electoral o impida. Segundo o Ministerio, esa quenda de 9 da noite a 8 da mañá funcionará "en días laborables e festivos" ata maio.
1.586 persoas participaron este domingo nas primarias de Ourense en Común para decidir os seus candidatos e candidatas. Co 44% escrutado Miguel Doval e Xosé Mosquera encabezaban as votacións. Máis información, enta mañá en Praza.
O Conselleiro de Cultura e Educación, Román Rodríguez, anuncia un novo decreto en materia educativa para acadar "un equilibrio lingüístico no ensino" e ainala que "temos que deixar de pelexar todo o día polo galego, ou pensar que é dun partido político"
Os alcaldes das cidades galegas aceleran a finalización de obras pendentes, destaca El País Galicia nesta reportaxe, para poder inauguralas antes do 31 de marzo, último día no que é legal facelo antes das eleccións de maio.
Centos de miles de persoas participaron este domingo nas manifestacións contra Dilma Rousseff impulsadas polo conservador Movimiento Brasil Livre (MBL). A presidenta atopase en niveis mínimos de popularidade, perdendo tamén apoios pola esquerda.
O director de campaña do PP, Carlos Floriano, comezará este luns en Compostela a súa rolda para "mobilizar" os cargos do PP. O número tres do partido participará no comité electoral do PPdeG. O obxectivo é procurar "recuperar antigos votantes", segundo informa a axencia Europa Press
O TSXG ratifica que o Concello de Santiago debe destituír o secretario e o interventor municipais, colocados polo PP tras destituír as persoas que viñan exercendo eses postos. Segundo as escoitas do caso Pokémon os responsables municipais dirixidos por Conde Roa decidiron os relevos porque "torpedeaban" as súas operacións
