O socialista Francisco Cerviño acusa no Parlamento á Xunta de tentar "utilizar" a figura de Díaz Pardo ao tempo que procura "baleirala de contido" político; cre que Feijóo se amosa como un "inútil reaccionario" neste asunto.
![](https://praza.gal/media/cache/live_image/xornal/uploads/falase/foto/4f3250464b905-cervic3b1o-470x286.jpg)
O socialista Francisco Cerviño acusa no Parlamento á Xunta de tentar "utilizar" a figura de Díaz Pardo ao tempo que procura "baleirala de contido" político; cre que Feijóo se amosa como un "inútil reaccionario" neste asunto.
Galicia foi a segunda comunidade do Estado con peores datos do Índice de Produción Industrial, na súa media anual (-7,1%). Así o vén de adiantar o Instituto Nacional de Estadística (INE)
Día importante para Grecia. Ten que decidir se se volve someter ás esixencias da troika ou abandona a moeda única. Xornada que se produce tras coñecer que, debido á austeridade e á recesión, a recadación de taxas foi calamitosa en xaneiro. Cóntao o diario Ekathimerini
Continúan as asembleas informativas das división sindicais da Función Pública para preparar as mobilizacións contra o anteproxecto de lei convocada pola Xunta. Ás doce do mediodía hai unha concentración de delegados en San Caetano. Medra a confilitivade social antes da folga xeral xa convocada pola CIG para marzo, aínda sen data
O servizo de estudos do BBVA prognostica unha recesión do 1,3% para este ano no conxunto do Estado. Segundo a súa estimación a destrución de emprego vai seguir acelerándose
Rajoy, ante o Congreso por primeira vez como presidente, asegura que a situación do paro é "crítica" e avanza que os rexistros do desemprego "van empeorar" en 2012
Novo aviso dos militares portugueses ao Goberno de Passos Coelho: "Nada nos obriga a ser submissos". Cóntao hoxe o Diário de Notícias.
Xa é posible ver desde o computador centos de canais de televisión do mundo enteiro. Agora, Google pono máis fácil cun complemento que se incorpora ao seu navegador Chrome e dá acceso a canais de streaming.
Hoxe cúmprense 50 anos do embargo económico contra Cuba decretado polos Estados Unidos baixo a presidencia de JFK. A medida, que carece de amparo no dereito internacional, xa foi rexeitada pola Asemblea Xeral da ONU en 16 ocacións. O goberno cubano cuantificou en 2007 en 89.000 millóns de dólares o prexuízo causado polo bloqueo estadounidense até aquela altura.
O BNG abandona o pleno do Congreso durante a homenaxe a Manuel Fraga. Tamén marcharon ICV-IU, Compromís, Esquerra Republicana, o PNV, Amaiur, Geroa Bai e a Chunta Aragonesista. En Vilaweb.