Detido o narcotraficante Manuel Charlín nunha operación na Arousa e no Salnés na que foron prendidas pola Policía outras 18 persoas e que continúa en marcha. Máis información, hoxe en Praza.gal. (Imaxe: gravación da TVG durante o xuízo da operación Nécora en 1994).
A galega Ana Peleteiro, clasificada para a final de triple salto nos campionatos europeos de atletismo que se están a celebrar en Berlín. Logrouno no primeiro intento tras acadar os 14,27 metros.
O PP ve "difícil" que Pablo Casado poida entregar ao xulgado o ordenador no que realizou os seus traballos universitarios, que el mesmo dixo conservar o pasado abril.
Portugal segue a loitar contra a vaga de incendios. O máis destrutivo é o de Monchique, no Algarve. A RTP mostra a través dun dron os efectos do lume na contorna máis afectada.
Lula da Silva xa volve ser oficialmente candidato do PT á presidencia do Brasil. Líderes do partido visitárono na cadea onde segue encarcerado: "Ele tem um compromisso com o Brasil, por isso é candidato e vai até as últimas consequências com esse propósito", afirman. (Imaxe: PT)
O goberno venezolano prorroga tres meses máis a intervención de Banesco, matriz do grupo propietario de Abanca. O seu presidente, Juan Carlos Escotet, ve "absurda" a medida, iniciada o pasado maio baixo acusación de especulación financeira.
A xuíza conclúe que Pablo Casado conseguiu o seu máster como "prebenda" pola súa "relevancia política". É un dos seus argumentos para solicitar ao Tribunal Supremo que impute o líder do PP. Casado afirma que non recibiu "ningún agasallo".
Realizan unha pintada nunha escultura da fachada románica da Catedral de Santiago, na Praza de Praterías. A figura apareceu esta mañá cuns bigotes de gato debuxados na cara e a palabra Kiss, en referencia á banda de rock que adoita maquillarse deste xeito. “Ante esta falta de civismo somos intolerantes”, vén de sinalar o alcalde Martiño Noriega.
O monolito dedicado a Pablo Iglesias en Ferrol sufriu un ataque nesta fin de semana, sendo pintado coas cores da bandeira de España. O PSdeG-PSOE destaca que o ataque "reforza as nosas conviccións democráticas"
As temperaturas descenderán de forma notable este luns, despois de catro días nos que se superaron os 40 graos en moitos lugares de Galicia, sobre todo Ourense e o Baixo Miño. A cidade das Burgas chegará aos 36 graos e a maior parte do territorio ficará ben por debaixo de 30
