"A venda dos peiraos non pode hipotecar o interese xeral da Coruña", destaca La Opinión nun editorial. O texto sinala que "o colosal endebedamento" da Autoridade Portuaria "precisa solucións, pero non poden pasar só por hipotecar o potencial turístico e de goce que a fachada marítima posúe para todos os coruñeses, arruinándoos cunha edificación masiva"
Fálase
Unicamente o 42% dos e das estudantes cobra polas prácticas en empresas, segundo unha enquisa da Comisión Europea, e deles só o 30% di que a súa retribución lle permite manterse, destaca InfoLibre, que sinala que as prácticas non remuneradas son a norma en institucións públicas.
Portugal celebra a vitoria de Salvador Sobral no Festival de Eurovisión. É a primeira vez que o país luso gaña o certame e fíxoo con record de puntos
Máis dun milleiro de persoas participaron este sábado en Ribadavia nunha manifestación para reclamar a concesión de axudas directas para paliar as perdas xeradas no sector vitícola polas xeadas de finais de abril. O 23 de maio estáconvocada outra protesta, desta volta en Ourense.
A edición 2016 do Festival de Cans xerou un impacto económico en Porriño de entre 250.000 e 350.000 euros, segundo unha tese de doutoramento presentada este venres na Facultade de Economía da USC. O traballo analiza o "valor publicitario equivalente", tomando todas as informacións publicadas polos medios de comunicación como se fosen anuncios.
Compostela acolle este sábado a asemblea estatal de Fiare Banca Etica, na que participa o presidente do banco, Ugo Biggeri. En Galicia a entidade conta con 338 clientes, 194 persoas socias (26 xurídicas e 165 físicas) e unha captación de aforro de 1,4 millóns de euros.
O xefe de Anticorrupción, Manuel Moix, opúxose a controlar as chamadas de Ignacio González nos catro días previos á súa detención
A deputada Eva Solla, que o mes que vén se converterá en coordinadora de Esquerda Unida, pide recuperar "o xerme" de EnMarea. Sinala que o partido ten "unha estrutura máis vertical e moito máis pechada do que debería" e un "discurso máis conservador" do que se buscaba cando naceu a formación.
No centenario da aparición de Fátima, CTXT dedícalle unha reportaxe ao contexto político e social no que se difundiu a suposta "milagre" e aos seus efectos nun Portugal no que a Primeira República estaba a impulsar a secularización do país
Pedro Sánchez fai un chamamento dende Vigo a "recuperar a credibilidade perdida" polo PSOE e a que a formación "volva ser un partido de esquerdas". O aspirante á Secretaría Xeral di que "o desafío non é mirar o PP de lado ni por debaixo, senón de fronte, sendo a alternativa". En Ourense, Eduardo Madina pediu o voto para Susana Díaz para "deixar atrás os peores anos da historia do partido"
