A deputada Eva Solla, que o mes que vén se converterá en coordinadora de Esquerda Unida, pide recuperar "o xerme" de EnMarea. Sinala que o partido ten "unha estrutura máis vertical e moito máis pechada do que debería" e un "discurso máis conservador" do que se buscaba cando naceu a formación.
Fálase
No centenario da aparición de Fátima, CTXT dedícalle unha reportaxe ao contexto político e social no que se difundiu a suposta "milagre" e aos seus efectos nun Portugal no que a Primeira República estaba a impulsar a secularización do país
Pedro Sánchez fai un chamamento dende Vigo a "recuperar a credibilidade perdida" polo PSOE e a que a formación "volva ser un partido de esquerdas". O aspirante á Secretaría Xeral di que "o desafío non é mirar o PP de lado ni por debaixo, senón de fronte, sendo a alternativa". En Ourense, Eduardo Madina pediu o voto para Susana Díaz para "deixar atrás os peores anos da historia do partido"
A UE esíxelle a Grecia a aprobación dunha serie de 140 recortes, modificacións legais e administrativas antes do 22 de maio para completar o pagamento do segundo treito do terceiro rescate ao país heleno. Pensións, reforma fiscal ou medidas para facilitar os despedimentos colectivos están entre as medidas demandadas.
Nos play-off de ascenso á ACB, vitoria do Basquet Coruña ante o Palencia (os herculinos gañan 2-1 na serie) e derrotas de Breogán e COB Ourense ante Palma e Oviedo (os dous galegos perden 1-2). Este domingo xogarase o cuarto partido destes cuartos de final.
Varios hospitais británicos, vítimas tamén dun ataque ransomware a grande escala
O Goberno de España volve desbotar transferir a AP-9 a Galicia tres días despois de que o Parlamento galego o volvese pedise por unanimidade. Así o reiterou o titular de Fomento, Íñigo de la Serna, tras o Consello de Ministros: "a titularidade ten que estar onde está", advertiu na mesma xornada en que o PPdeG se gabou de "poder facer o mesmo discurso a nivel local, autonómico e nacional", en verbas de Miguel Tellado.
A sede central de Telefónica, inmersa nun ataque informático con petición de "rescate" económico. Iberdrola e Gas Natural Fenosa piden ao seu persoal que apague os ordenadores como medida preventiva. Está a contalo eldiario.es
Os alcaldes de Zaragoza (Zaragoza en Común), A Coruña (Marea Atlántica), Valladolid e Huesca (ambos do PSOE) asinan un artigo conxunto en contra da disposición adicional 27 dos Orzamentos Xerais do Estado, á que acusan de dificultar os procesos de remunicipalización e de "socavar o principio de autonomía local"
Un novo atraso na autovía Santiago-Lugo abócaa a 30 anos de obras. Fomento, como recolle El Progreso, vén de adxudicar un dos treitos máis problemáticos do vial, o de Melide a Palas de Rei, que conta con dotación nos Orzamentos de 2017. O proxecto remóntase a hai máis de dúas décadas e foi escenario de tres inauguracións durante o ano electoral de 2015.
