O presidente de Extremadura, o popular José Antonio Monago, afirma que "ninguén pode obrigar a ninguén" a ser nai e considera que "a ideoloxía non ten que introducirse en materias tan sensibles coma a interrupción voluntaria do embarazo". Avoga por un consenso neste asunto.
Fálase
Sargadelos despide as 29 afectadas polo ERE pero non lles paga a indemnización. A empresa alega que pagará cando teña liquidez. UGT, CIG e CCOO denuncian a "irregularidade" do proceso e anuncian que presentarán un conflito colectivo por defecto de forma
O DOG publica hoxe os Orzamentos Xerais da Xunta para 2014, nos que segundo o Goberno galego aumenta o peso do gasto social aínda que as cifras do Ministerio de Facenda din xusto o contrario.
O PP impulsa no Congreso dos Deputados unha iniciativa contra "os actos vandálicos da extrema esquerda". En El Diario
A Xunta admite 2.500 contratos con empresas citadas por Bárcenas. En El País.
O grupo promotor da iniciativa A radio conta lembra que é posible descargar o programa de tres horas que elaboraron conxuntamente as principais emisoras radiofónicas da Coruña en apoio da organización solidaria Renacer.
A nova data para a licitación dos floteis de Pemex tras o quinto adiamento é o 28 de xaneiro ás 17:00, hora mexicana, segundo adianta a Radio Galega
Pemex volve aprazar a adxudicación dos floteis comprometidos cos estaleiros galegos, segundo adianta El País. Outro adiamento máis para unha decisión que mantén pendente, sobre todo, aos traballadores de Navantia.
O Ministerio de Educación e Cultura premia un toureiro con 30.000 euros. En El Diario
Nace Galicia Soa, un libro dixital e multimedia sobre o despoboamento do rural, que recolle as vivencias reais dos seus protagonistas e a opinión dos expertos sobre o tema (Xosé Luis Barreiro Rivas, Xaquín Fernández Leiceaga, Andrés Precedo Ledo ou Xosé Gabriel Vázquez). Trátase do cuarto e último traballo do programa iProx do Colexio de Xornalistas