O Deportivo empata na casa ante o Barcelona B sen goles e mantense en postos de ascenso directo a Primeira. Nun partido igualado, os de Fernando Vázquez non foron quen de marcar ante o filial blaugrana.
Fálase
-
Francisco Vázquez acusa a Artur Mas "anunciar permanentemente un golpe de Estado" nun faladoiro organizado pola Asociación Católica de Propagandistas.
O Celta gaña ao Levante (0-1) e dá un paso de xigante cara á salvación. Un tanto de Nolito foi dabondo nun partido tolo no que o equipo local errou un penalti.
Interior destitúe o xefe de inmigración de Ceuta por rectificar o ministro. O policía negou que detrás das avalanchas estivesen as mafias.
Celébrase entre Padrón e Compostela unha marcha en apoio do Sáhara. A asociación Solidariedade Galega co Pobo Saharaui reclama así o respecto aos dereitos humanos nos seus territorios. Imaxe de @montseprado.
A Xunta indulta grandes obras pero derruba pequenas construcións por ser obras ilegais. A Administración actuou contra 111 inmobles, a maioría casas e galpóns, pero mantén en pé urbanizacións e hoteis con orde de derrubamento.
A Policía pretende gastar tres millóns de euros en militarizar o seu uniforme, segundo o borrador preparado pola Dirección Xeral do corpo de seguridade.
A Xunta denega definitivamente o proxecto mineiro de Corcoesto, segundo informa a Plataforma pola Defensa de Corcoesto e Bergantiños. A Dirección Xeral de Minas tería ditado a resolución definitiva o pasado 11 de marzo. Máis información, esta tarde en Praza.
A débeda galega aumentou un 0,3% no último trimestre de 2013 e pechou o ano no 16,6% do PIB.
Paula Prado cre que o BNG "pide aos galegos lexitimar 50 anos de terrorismo en España" coa súa coalición con Bildu para as eleccións europeas. A voceira do PPdeG di "entender" as dificultades do Bloque para condenar o terrorismo.