Fálase

No Congreso de +Galiza, entre as opinións a favor de permanecer no BNG destacaron algunhas que afirmaron que "este non é o momento apropiado, as anteriores iniciativas alternativas á UPG tiveron moito mais tempo", "hoxe estamos fracasando. A sociedade non é capaz de comprendelo" ou "a xente non comprende os porqués das desputas e que non é responsable exacerbalas". Porén, foron maioría as intervencións que defendían a saída: "hai espazo para unha nova forza política en Galiza, a sociedade reclama novos referentes", "Isto é unha casa de lobos, levamos caendo 16 anos e a sociedade non está co BNG",  "Nós marcaremos o camiño porque somos moitos os que cremos que a casa común xa deixou de ser casa común", "é irresponsabilidade non facer nada cando perdemos 200.000 votos", "Eu non me vou, a min botáronme xa hai bastantes anos", "Hai espazo para o noso proxecto político dentro do BNG? A resposta contundente é non", "A xente dentro quere cambio e a de fora tamén quere cambio e está agardando", "Síntome refén da casa común e cando alguén se sinte refén é evidente que ten que marchar" ou "Hoxe é un día de primavera. Transformemos o país".

Esta noite a Cidade da Cultura será unha das protagonistas do programa 'Salvados', que emitirá laSexta baixo o título Cuando éramos cultos

#12C_PSdeG Como adoita acontecer, a Executiva Nacional escóllese cunha maioría bastante máis ampla có secretario xeral. A nova dirección de Pachi Vázquez fica ratificada por 265 votos a favor, 117 abstencións e 5 votos nulos.

Na quenda de intervencións abertas de militantes no Congreso de +Galiza, moitas intervencións, nun ambiente educado e construtivo: Ramón Veras, Xosé Aller, Iago Castro, Carlos Maquieira, Brais Preto, Jéssica Fernández, Suso Veiga, Xulia Guntín, Denís Fernández, Nando Casal, María Alonso Salgueiro, Anxo Franco, Manuel Batán, Xosé Anxo Laxe, Xosé Bieito Coello, Xosé Carballido, Pilar Candocia, Abel López, Saúl Santim, Paulo Carlos López... Intervencións tanto a favor de quedar no BNG coma de marchar, aínda que estas últimas foron maioritarias.

A Mesa dálle os parabéns a Google por incorporar o galego á súa rede social

O regulamento do congreso de +Galiza aprobouse por 238 a favor (83,3%) e 49 en contra (16,7%), polo tanto poderán votar aqueles militantes do partido que xa abandoran o BNG. No seu discurso Carlos Aymerich defendeu o papel de +G dentro do BNG historicamente e "até o día de hoxe, salvo que hoxe se decida o contrario"; nun discurso moi emotivo afirmou que "en +G algo se nos perdeu polo camiño, eu non me recoñezo nesta organización" e que "pase o que pase hoxe, +G acaba como proxecto político. É mágoa que isto acabe"

No congreso de Máis Galiza sucédense as intervencións de militantes. Ao longo do día, poderedes seguir en Praza o desenvolvemento da asemblea. Tamén podedes seguir as informacións e comentarios a través de twitter no hashtag #congresomaisgaliza

#12C_PSdeG Como prometera Pachi Vázquez, o alcalde de Lugo, Xosé López Orozco, será dende hoxe presidente do PSdeG

#12C_PSdeG Pachi Vázquez configura a súa nova Executiva. Pablo García mantense como secretario de organización e créanse catro grandes secretarías de coordinación. Laura Seara levará a área institucional e de Participación, Carmen Gallego a de Promoción Económica e Emprego, Margarita Pérez a de Benestar e Francisco Caamaño ocuparase da coordinación de Política, Ideas e Programas.

Terra Galega elixiu este sábado a Guillermo Sánchez Fojo como secretario xeral no seu terceiro Congreso; Manuel Andrade Cristóbal é o vicepresidente e Pablo Padín o presidente de honor. O partido aprobou unha ponencia política que pide, por exemplo, a supresión das deputacións provinciais.