Puigdemont amósase disposto a ser candidato desde o estranxeiro nas vindeiras eleccións do 21D. O president cesado di que desexa comparecer ante os xuíces pero "ante a verdadeira xustiza (a de Bélxica), non ante a xustiza española", dixo nunha entrevista en RTBF.
Fálase
A Audiencia Nacional rexeita deixar en liberdade a Jordi Sánchez e Jordi Cuixart. A Fiscalía mantén que deben seguir en prisión porque alentaron mobilizacións que non eran en absoluto pacíficas.
Inditex acepta retomar as negociacións coas traballadoras de Bershka en Pontevedra esta tarde. A dirección da multinacional convocou o comité a unha nova xuntanza desde as 16.30h tras fracasar as negociacións do pasado martes e nada máis chegar á nova mobilización de hoxe na súa sede de Arteixo.
A Policía detén o ex-comisario Villarejo por lavar diñeiro do crime internacional. A Fiscalía acúsao de formar parte dunha trama que branqueaba cartos, cobraba por introducir estranxeiros e por informes de intelixencia.
As traballadoras de Bershka volven manifestarse ante a sede de Inditex e suman xa nove días de folga na provincia de Pontevedra.
O xuíz imputa por inxurias o director de El Jueves por insinuar que policías consumiron cocaína en Catalunya.
O pleno de Barcelona esixe a "liberación dos presos políticos" e o "levantamento do 155". BEnComú, PDeCAT, ERC e CUP votan a favor da declaración á que se opuxeron PSC, PP e Ciudadanos.
Cortes en vías de tren e en estradas catalás en protesta contra o encarceramento dos membros do Govern.
A riqueza de Amancio Ortega -uns 70.000 millóns- triplica a suma das rendas de todos os habitantes de Galicia e equivale ao 120% do PIB galego, destaca La Opinión.
O paro rexistrado sobe 1.846 persoas en outubro en Galicia (ata as 185.903) e increméntase en 56.844 no conxunto de España (ata 3.467.026). As afiliacións á Seguridade Social tiveron un comportamento aínda máis negativo (‐2.356), mentres que no Estado a evolución foi positiva (94.368 traballadores/as máis)