Xa hai datas para os derbis galegos en Primeira División: o calendario da Liga determina que o Celta-Dépor se xogará o 28 de outubro de 2012 e o Dépor-Celta, o 17 de marzo de 2013
![](https://praza.gal/media/cache/live_image/xornal/uploads/falase/foto/4ffc0b5a43e27-4f9ad686a0d92-rs53400_rb131111.190.jpg)
Xa hai datas para os derbis galegos en Primeira División: o calendario da Liga determina que o Celta-Dépor se xogará o 28 de outubro de 2012 e o Dépor-Celta, o 17 de marzo de 2013
O rei presidirá o Consello de Ministros "deliberante" do vindeiro venres, no que se prevé que o Goberno central aplique duras medidas de recorte. Non acontecía dende maio de 2008.
A Audiencia Nacional admite a querela presentada polo 15M contra os directivos de Bankia e imputa a Rato e a todo o seu consello de administración. Súmase á querela de UPyD admitida hai unhas semanas, pero aumenta os cargos. A iniciativa, bautizada como QuerellapaRato, financiouse grazas á colaboración cidadá e o crowdfunding e recadou case 20.000 euros en menos de 24 horas.
Convocan en Ferrol unha concentración en solidariedade cos mineiros de Asturias, León e Teruel. Será ás nove da noite na Praza do Himno Galego, no barrio de Esteiro
O tribunal europeo de Dereitos Humanos de Estrasburgo rexeita a Doutrina Parot, aplicada dende 2006 a 60 presos, principalmente etarras, e que supoñía a obriga do cumprimento íntegro da pena máxima (30 anos). A sentenza obriga, ademais, a indemnizar e poñer en liberdade a Inés del Río, que leva 25 anos na cadea. A sentenza pódese consultar aquí.
Vilaweb destaca que hoxe fan dous anos da masiva manifestación en Barcelona polo recorte do Estatut de Autonomía realizado polo Tribunal Constitucional, e que analiza como o inicio dun proceso soberanista. Tamén o analiza deste xeiro Ara, que di que dous anos despois son imposibles "os camiños do medio"
Hoxe ao mediodía uniranse na Porta do Sol todas as marchas de mineiros, e chegarán a Madrid 500 autobuses de Asturias, León, Aragón e Andalucía para apoialos e preparar a manifestación convocada para mañá
Europa dálle a España un ano máis de marxe, até o 2014, para reducir o seu déficit público, do 8,9% actual, ao 3%.
250 persoas, mineiros e familiares, cortan de madrugada a N-630 e a vía do tren en Ciñera (León), que leva toda a noite sen electricidade. O alcalde pídelle "man esquerda" á Delegación do Goberno.
Europa imponlle a España unha intervención da súa economía. Os ministros de Finanzas da UE acordaron esta madrugada mobilizar urxentemente 30.000 millóns de euros para calquera emerxencia no sector financeiro. En contraprestación Bruxelas impón condicións aos bancos rescatados e tamén novas obrigas de política económica (posiblemente a suba do IVE), que se asinarán o 20 de xullo. O capital inxectarase a través do FROB e computará como débeda pública.