As redes sociais comentan esta mañá a diferenza de ton das portadas de La Razón e ABC ante os recortes decididos por Zapatero e por Rajoy. Así, La Razón en maio de 2010 titulaba "Zapatero impone el mayor recorte social de la historia" e hoxe "Sacrificio. Frente a irresponsabilidad sindical". E ABC hai dous anos dicía "Zapatero ejecuta un dramático recorte social" e hoxe "Ajuste 'imprescindible' de Rajoy para una situación 'extrema'".
Fálase
En Madrid neste momento hai cargas policiais nas rúas do centro (Tirso, Preciados, Sol), contedores ardendo e unha forte presenza policial nos accesos ao barrio de Lavapiés. Na Porta do Sol concéntrase un cento de persoas rodeadas pola policía (imaxe via @fotograccion)
Na Coruña concentráronse ao redor de 300 persoas, en dúas convocatorias (unha en solidariedade cos mineiros e outra en protesta polos recortes) que acabaron sendo unha soa
Imaxe nestes intres da concentración contra os recortes na Praza do Obradoiro de Compostela, convocada a través das redes sociais esta mesma mañá
Celébranse concentracións de apoio ao mineiros e contra os recortes en varias cidades galegas, coma Ferrol, A Coruña, Vigo ou Compostela. En Madrid ás sete e media comezou en Atocha (na imaxe) unha manifestación, convocada como apoio aos mineiros, pero que se converteu nunha protesta contra os axustes.
O ministro de Industria, José Manuel Soria, anuncia un imposto a todas as fontes de xeración de enerxía "progresivo en función dos subsidios" que reciben. Soria non deu máis detalles, pero en principio serían as enerxías renovables, sobre todo a solar e a eólica, as máis prexudicadas pola nova medida.
A CIG chama os e as empregadas do sector público a concentrárense diante dos centros de traballo este venres, coincidindo coa celebración do Consello de Ministros no que se aprobarán as medidas de axuste.
Un cento de traballadores eventuais do SERGAS irromperon hoxe na Dirección de Enfermaría do Hospital da Costa, en Burela, demandando que o centro cubra as baixas con aqueles profesionais que están na lista de contratación e non incrementando as horas do persoal fixo.
CCOO, UGT, CSIF, ELA e CIG, convocados polo Ministerio de Facenda para explicarlles as medidas de axuste para os empregados públicos, erguéronse da mesa en protesta polos recortes. O secretario de Estado de Administracións Públicas, Antonio Beteta, ía debullar as medidas anunciadas por Rajoy no Congreso esta mañá.
CCOO e UGT anuncian unha "mobilización xeral" en toda España na semana do 21 de xullo contra os recortes anunciados por Rajoy.