A Fronte Nacional non chegará ao goberno de ningunha rexión francesa. A retirada de varios candidatos socialistas, que chamaron á votar ás listas do partido de Sarkozy, e o incremento da participación (sete puntos superior á da primeira volta) deixan o partido de Marine Le Pen sen vitorias, a pesar de que hai unha semana fora a forza máis votada en seis territorios.
Remata a xornada na Terceira galega. Lidera o Cerceda, seguido do Barbadás e o Rápido de Bouzas
Deportivo B 2-0 Ordes
Barbadás 0-1 Choco
Barco 2-2 Negreira
Racing Vilalbés 3-1 As Pontes
Cerceda 1-0 Verín
Alondras 0-0 Arousa
Ribadumia 3-0 Silva
Bergantiños 2-0 Galicia Mugardos
Noia 0-3 Boiro
Rápido de Bouzas 0-1 Ribadeo
Na Segunda B, vitoria do Pontevedra (1-3) ante o Valladolid B; empates de Rácing de Ferrol e Coruxo (1-1) e Celta B e Somozas (0-0) nos derbis galegos; e derrota do Compostela (1-2) ante o Rácing de Santander.
Gómez Besteiro pide aplicarlle a Rajoy a "súa reforma laboral" e darlle o 20 de decembro "unha carta de despedimento sen indemnización". O secretario xeral do PSdeG-PSOE estivo en Vilagarcía apoiando os candidatos socialistas.
Alexandra Fernández destaca no mitin de En Marea en Cangas que “é o momento dun proceso constituínte de mulleres porque queremos igualdade e a Constitución foi un pacto entre homes que non entendían que o machismo é un problema estrutural". O acto comezou coa chegada dos candidatos e candidatas en barco e pechouse reeditando a imaxe zapatista da campaña de AGE do 2012.
Carme Adán afirma en Bueu que “o 20D Galiza xógase moito” e pide “outra oportunidade para que o noso pais estea no congreso da man de NÓS”
Francia celebra a segunda volta das súas eleccións rexionais. A pesar de que o PS retirou varios dos seus candidatos e pediu o voto para as listas conservadoras de Sarkozy, a Fronte Nacional podería facerse co goberno de cando menos tres rexións. Na primeira volta, a formación de ultradereita foi a forza máis votada en seis e no conxunto do país. Ao mediodía a participación crecera en tres puntos con respecto á votación da pasada semana.
Xa está en marcha a manifestación en demanda de carga de traballo para os estaleiros da Ría de Ferrol. Foto: @BernarfoG. Toda a información, nuns minutos en Praza.
En Galicia, o PP sería o máis votado en todas as enquisas, perdendo entre 3 e 6 escanos, sendo segundo En Marea nas que publica La Voz de Galicia, El Mundo e La Región e o PSOE na de ABC; Ciudadanos obtería dous deputados e Nós quedaría sen representación. La Voz de Galicia: PP (11), En Marea (6), PSOE (4), Cs (2). El Mundo: PP (9), En Marea (6), PSOE (6), Cs (2). ABC: PP (11-12), En Marea (3-5), PSOE (5-6), Cs (2). La Región: PP (10-12), En Marea (4-6), PSOE (4-5), Cs (2)
Domingo de enquisas nos medios. ABC: PP (117-124), PSOE (83-85), Cs (59-63) e Podemos (50-53). El Mundo: PP (114-118), PSOE (76-81), Cs (62-68) e Podemos (56-60). La Voz de Galicia: PP (124), PSOE (78), Cs (63) e Podemos (59)