Asasinan en París tres activistas políticas kurdas tras un ataque armado contra o Centro de Información do Kurdistán en pleno centro da cidade. Unha delas fora unha das fundadoras do PKK
Fálase
O Deportivo solicita este xoves o concurso de acredores. Presentará hoxe no xulgado a documentación para unha entrada en concurso cuxa data decidirá o xuíz tras revisar os datos, tal e como conta La Opinión.
Somos adictos á rede? O 62% dos británicos afirman necesitar entrar en Internet todos os días "para funcionar". Os homes navegan unha media de 19 horas á semana e as mulleres ao redor de 14. Toda a información nesta infografía.
O financiamento para proxectos de investigación cae un 19,5%. Neste 2013 a Secretaría de Estado de Investigación achegará 75 millóns menos.
José Luis Baltar vén de solicitar a súa suspensión temporal de militancia no PPdeG "para non danar a organización". O ex presidente da Deputación declarará a finais de mes ante o xuiz acusado de contratar de forma fraudulenta máis de 100 persoas no ente provincial.
Os trece novos tomos do Diccionario biográfico español manteñen a amabilidade con sublevados fascistas. A Real Academia da Historia omite episodios sinistros e louva supostas fazañas, como no caso de Millán Astray.
Facenda autoriza 52 millóns de euros en sobresoldos variables a 698 directivos de empresas públicas. Soraya Sáenz de Santamaría gabárase de que o Estado aforrara 9,7 millóns coas rebaixas de salario aos altos cargos, pero ,sto afectaba só á parte fixa dos soldos
A web institucional Marca España esquece o franquismo no seu repaso á historia, e mitifica a Reconquista ou o reinado dos Reis Católicos ou dos Borbóns.
Amancio Ortega pasa a súa firma de inversión inmobiliaria Pontegadea Inversiones o 50% de Inditex e blinda o seu control. A transacción valorouse en 20.150 millóns de euros. Ortega culmina con esta operación un proceso de anos nos que Pontegadea foi absorbendo, dende Sicavs até pequenas participacións, todo o seu patrimonio
PP e independientes presentarán unha moción de censura en Vilamartín de Valdeorras contra o actual alcalde socialista. A popular María Jesusa Candal, filla do que fora alcalde dende 1975 até 2011 acusa o actual rexedor de intentar a fusión co concello co Barco.