A Plataforma Sarriana polo Río e o Concello de Sarria celebraron unha xuntanza para analizar o conflito aberto na vila polas obras de encanamento do río. As reunións continuarán o vindeiro martes. Os responsables municipais afirman que as obras non se suspenderán pero agora amósanse abertos a modificacións do proxecto.
Fálase
El Periódico publica unha sondaxe de intención de voto en Catalunya que amosa a CiU (35-36 escanos) por diante de ERC (34-35), que baixan lixeiramente dende anteriores estudos. Ciutadans sería a terceira forza (17-18), superando a ICV-EUiA (14-15), PSC (14-15) e PP (12-13). As CUP obterían 6 escanos. O 46% votarían a favor da independencia, aínda que só o 38% cre que vaia haber referendo.
As Novas Xeracións do PPdeG elixiron Diego Gago como novo presidente, cun 91% dos votos emitidos este sábado no IX Congreso da formación xuvenil.
Catro mulleres interrompen o discurso de Rajoy na clausura do Congreso do PP vasco en protesta pola reforma da Lei do Aborto. Os asistentes responderon con berros de "si á vida" e as mulleres foron expulsadas a empurróns por gardas de seguridade.
Martiño Noriega retomará o labor de coordinador de Anova, tras a celebración da Coordinadora de que tamén saíu a nova Permanente da formación. En dúas semanas a militancia votará os e as candidatas para as eleccións europeas.
Este sábado péchanse en Compostela as III Jornadas de análise para o ensino popular, que durante dous días realizaron "um percurso histórico polas propostas de ensino à margem do estado”
A Marcha Mundial das Mulleres, que tamén participará este domingo na manifestación convocada pola Plataforma Galega polo Dereito ao Aborto, convocou igualmente para este sábado ás 20 horas en Vigo unha marcha baixo o lema O noso corpo, os nosos dereitos. Así mesmo, tanto BNG coma CC.OO. realizaron esta mañá actos reivindicativos en Compostela con motivo do 8 de marzo.
A rede social galega Vituin volve á rede cun novo deseño. "Tentamos de encher un oco e un baleiro nun país orfo dunha grande rede social de seu", destacanos seus responsables.
"Que tiña de malo querer ser o Sanxenxo do norte?", pregúntase o alcalde de Barreiros, Alfonso Fuente Parga, nunha entrevista que este sábado publica La Voz de Galicia.
A presidenta do comité de empresa da fábrica de Sargadelos en Cervo, Rogelia Mariña, afirma que a compañía, cuxa dirección anunciou a entrada voluntaria en concurso de acredores, ten que "adaptarse aos tempos". "Creo que a marca Sargadelos é moita marca e se non saímos será porque non a souberon sacar adiante", dixo