Unha nova Andaina pola Fracha protesta contra o proxecto da A-57 e o prexuízo medioambiental e social que pode producir o seu trazado nesta paraxe. A Audiencia Nacional debe aínda responder á petición da plataforma Salvemos A Fracha de que se paralicen de forma cautelar os traballos
A estatua do Che Guevara en Oleiros aparece pintada horas antes da homenaxe desta tarde. A palabra "asesino" con letras vermellas apareceu no monumento dedicado ao guerrilleiro arxentino, do que se cumpren 48 anos do seu asasinato.
Galicia é a terceira comunidade que máis impugnacións ás súas leis recibe do Estado. Desde 1980, os distintos executivos centrais presentaron 44 recursos contra as normas dos gobernos galegos.
Besteiro cre que "a xuíza non quere recoñecer un erro e quere cargarse un candidato". O secretario xeral do PSdeG asegura que a súa imputación "non pode prolongarse" porque, senón, "alguén terá que explicalo". Fala nunha entrevista no Faro de Vigo.
O Celta cae ante ao Madrid (1-3) malia o seu gran partido. O Deportivo perde en Málaga (2-0) na súa peor actuación da tempada.
Un ataque á rede de R deixou sen internet a milleiros de galegos durante varias horas. Os problemas impediron acceder ás webs e navegar con normalidade.
Compromiso por Galicia decide non concorrer ás xerais e dá liberdade á súa militancia para apoiar unha ou outra candidatura. Así o decidiu a formación nunha convención celebrada este sábado. Máis información, hoxe en Praza.
Detida a ex parella da muller asasinada en Pontevedra. É o "principal sospeitoso do asasinato", segundo a Garda Civil, que detivo o presunto asasino en Pontesampaio.
Un home asasina unha muller en Pontevedra. A policía trata de localizar o agresor, que fuxiu tras acoitelar esta muller de 38 anos.
A SGAE senta no banco dos acusados o Concello de Cangas por 60.000 euros. Esixe cartos correspodentes ás actuacións no Auditorio e as Festas do Cristo entre 2008 e 2013.