Os mineiros volven cortar o tráfico en varias estradas de Asturias. Trátase da autopista AS-1, á altura de Siero, a AS-116, en Langreo, e a Nacional 630, en Santolaya de Morcín. Ademais, un home resultou ferido cun golpe na cabeza tras bater o tren no que viaxaba cuns troncos situados na vía.
Fálase
The Guardian critica os poderosos armadores gregos, que controlan o 15% do comercio marítimo mundial, e que nos últimos meses se dedicaron a sacar do país as súas fortunas.
Segundo ARA, Eurovegas "afástase de Madrid". Cita fontes dos promotores do proxecto, que aseguran que, de facerse en España, sería en Catalunya.
A ICAAN revelou onte a lista dos 1.900 aspirantes a contar cun dominio propio en Internet, entre eles o .gal. Na lista hai varias solicitudes de dominios de comunidade, tamén relacionados con cidades, como .bcn ou .madrid, ou con empresas, como .google. ou .amazon.
Nas zonas rurais Educación agrupará na mesma aula a nenos de entre 6 e 12 anos, incumprindo un acordo que o conselleiro Jesús Vázquez asinara cos sindicatos en 2009
A prima de risco abre a sesión subindo dez puntos, despois de que onte a última hora Moody's anunciase que rebaixaba tres chanzos a cualificación da débeda española, agora case bono-lixo
A xuntanza entre o ministro Wert e os responsables de Educación das comunidades autónomas finalizou coa decisión de que cada autonomía aplicará distintas subas das taxas. As universidades de Galicia, Extremadura, Andalucía, Euskadi e La Rioja subirán os prezos das matrículas ao redor do 2%, mentres que Catalunya podería incrementalos até un 66%, en función da renda.
Veciños do lugar de Painceira, parroquia de Barqueira, no coruñés concello de Cerdido, denuncian que as súas fincas foron sulfatadas hoxe como efecto colateral das fumigacións con canóns en plantíos de eucaliptos lindeiros, segundo informa o SLG.
O Goberno podería liquidar Novagalicia Banco. NCG, Catalunya Caixa ou o Banco de Valencia será unha das tres entidades "encamiñada cara á liquidación", segundo asegura Joaquín Almunia nunha entrevista en Reuters.
A Coruña celebrará este sábado o Bloomsday. Seguindo os ritos habituais do 16 de xuño, os seguidores do Ulises de James Joyce, emularán no Pub Dublín a xornada do seu protagonista (Leopold Bloom), comezando por un almorzo irlandés. Ademais, a partir das 12 do mediodía farase unha lectura colectiva da obra, e todos aqueles que participen estarán convidados a unha caña.