Pablo Iglesias gaña con máis do 60% as primarias de Podemos, nas que participaron máis de 33.000 persoas. En El Diario.
Fálase
-
A Axencia Tributaria adxudícalle o servizo de atención telefónica a unha empresa condenada por vulnerar os dereitos do seu persoal. Cóntao El Diario
David Reboredo ten xa a liberdade condicional. En 2012 e 2013 unha gran mobilización social reclamou o indulto para este ex toxicómano vigués, completamente rehabilitado.
O alcalde de Santiago, o seu antecesor e dous ex edís declaran hoxe polo presunto acoso laboral a un policía local. Cóntao Faro de Vigo.
A Xunta cancela Xuventude Galicia Net, segundo avanza La Voz. A Consellería de Traballo e Benestar alega razóns orzamentarias para eliminar a party informática que se viña celebrando dende hai case quince anos.
Esperanza Aguirre foxe da policía e bate contra a moto dun axente que intentaba multala. A presidenta do PP do Madrid ocupaba co seu coche o carril bus. Imaxe de @jatgoitibera.
A Plataforma Galega en Defensa do Ensino Público pídelle ao conselleiro de Educación que non aplique a Lomce. Remitiulle hoxe unha carta a Jesús Vázquez.
Ocupan o antigo local de Cantigas e Agarimos en Compostela para convertelo nun centro social autoxestionado. "Decidimos reabrir este espazo para o enchelo de vida e de cultura, porque cremos que a cultura non debe permanecer fechada", din os impulsores.
O Parlamento Europeo aproba a iniciativa Connected Continent, impulsada por Neelie Kroes, que busca garantir a neutralidade na rede, evitando a discriminación positiva ou negativa de certos paquetes de datos independentemente da súa orixe ou destino. Ademais, a norma tamén eliminará os cargos extra polo roaming a partir de 2016.
Dúas persoas morreron nas últimas horas en Catalunya, unha en Barcelona e outra en Salou, tras ser inmobilizados polos Mossos d'Esquadra. Os axentes implicados declararon xa ante Asuntos Internos