Fálase

Absoltas todas as persoas incausadas no caso da presunta retirada de multas en Lugo por nulidade das actuacións. Entre as persoas incausadas estaban políticos de PSdeG e PP. O caso foi instruído pola xuíza Estela San José. Máis información, hoxe en Praza

Willy Meyer dimite como eurodeputado da Esquerda Plural tras transcender que participou nun fondo de pensións privado xestionado por unha sicav. En El Diario

Falece a escritora e académica Ana María Matute. Perfil en El Diario.

O xuíz do caso Nóos mantén a imputación da Infanta Cristina por branqueo de capitais e delito fiscal. Considera que debe ser xulgada xunto con Iñaki Urdangarin e o resto de imputados na suposta trama de corrupción. Fiscal e Defensa recorrerán a decisión.

Dimite Javier Rodríguez-Losada, director xeral do grupo Sargadelos, en pleno proceso concursal. Fora designado en abril para liderar o plan de viabilidade.

El Diario entrevista Belén Barreiro, que presidíu o CIS e é directora de Myword e do Laboratorio da Fundación Alternativas. Destaca que “o xiro á esquerda pode non ter marcha atrás”

Infolibre adiantou este martes que un gran número de eurodeputados, entre eles os candidatos de PP, PSOE e IU, Cañete, Valenciano e Meyer, manteñen un fondo de pensións en Luxemburgo cunha sicav. O PSOE desenténdese da polémica, Meyer dáse de baixa e Cañete non contesta.

Magdalena Álvarez dimite como vicepresidenta do Banco Europeo de Investimentos despois de que a xuíza Mercedes Alaya lle impuxese unha fianza de 29,5 millóns de euros tras responsabilizala das axudas irregulares no caso dos ERE

Vixilancia Aduaneira cre que José Manuel Barreiro recibiu 5000 euros de Véndex para que cesase as súas críticas ao sistema ORA no Concello de Lugo (adxudicado a Doal, filial de Véndex). O portavoz do PP no Senado nega os feitos. Pilar de Lara demandoulles a PP, PSdeG e BNG os seus libros de contabilidade para analizar as doazóns recibidas na última campaña das municipais.

ERC sería a primeira forza do Parlament de Catalunya segundo unha enquisa de El Periódico que ubica a Ciutadans como terceira forza e prognostica a irrupción de Podemos con 9 ou 10 escanos. A CUP duplicaría a súa representación e CiU perdería 20 escanos.