Aznar pactou unha comisión do 1% con Abengoa para conseguir adxudicacións na Libia gobernada por Gadafi. O ex presidente tería gañado seis millóns de euros se a empresa construíra as desaladoras pactadas, un proxecto frustrado pola guerra que desaloxou o mandatario.
O número de nenos e nenas que en España vive en condicións de pobreza aumentou en 800.000 dende o comezo da crise, segundo datos de Unicef. Hai ao redor de 3 millóns e nenos e nenas pobres, máis dun terzo do total. Roger Senserrich reflexiona en Politikon sobre "as prioridades de gasto" en España e os "perdedores do estado de benestar", lembrando que dende o 2004 crece a pobreza infantil e só se reduce a dos maiores de 65 anos.
Rajoy pide perdón pola operación Púnica pero exculpa os partidos. Os socialistas responden con berros de "dimisión" no Senado.
O Parlamento aproba unha nova lei que regula as iniciativas lexislativas populares, cos únicos votos a favor do PP e a abstención de todos os grupos da oposición. BNG e AGE denuncian que o texto orixinal, presentado polo Bloque, foi "desnaturalizado" e "deturpado".
Os emigrantes retornados maniféstanse xa en Compostela. Reclaman unha solución definitiva ás multas que reciben de Facenda nunha marcha que rematará no Parlamento, onde entregarán as sinaturas recollidas e unha carta coas súas demandas a Feijóo. Máis información, esta mañá en Praza. Foto de @obloque.
A instrución da operación Campeón péchase, despois de catro anos, coa imputación de 13 persoas. O empresario Jorge Dorribo esta imputado por 11 delictos.
A Cámara de Comercio de Santiago celebra este martes unha xornada sobre o prestixio e as posibilidades comerciais e comunicacionais que se abren co dominio .gal
Abel Caballero anuncia, por sorpresa, a fin do seu pacto co PP para gobernar a cidade de Vigo. O alcalde socialista espera prorrogar os orzamentos do pasado ano para así chegar ás eleccións municipais de maio
O monopolio da SGAE racha en Euskadi. O Goberno vasco autoriza a actuación na comunidade autónoma da entidade de xestión de dereitos de propiedade intelectual Euskal Kulturgileen Kidegoa (EKKI). Tamén Cataluña aprobou o pasado ano un decreto que lle permite crear ou autorizar entidades de xestión de dereitos de ámbito catalán, pero aínda non o puxo en práctica.
A militancia de Cerna apoia abandonar Anova. O 75% dos militantes apostan por abandonar a formación liderada por Beiras, tras un referendo telemático no que participaron unhas 200 persoas.