Javier Gómez Noya proclámase campión do mundo de ironman unha semana despois de converterse en campión mundial de tríatlon. O galego venceu en Canadá e engade outro título ao seu inigualable palmarés.
Fálase
-
Manuel Rivas denuncia a "situación de emerxencia" do galego e advirte da súa "autodestrución" tras recibir o premio 'Celanova, Casa dos Poetas' ante o conselleiro de Cultura. O escritor pide construír "un espazo de simpatía" para a lingua propia.
Beiras insiste nunha "fronte ampla de esquerdas" para as municipais e cualifica de "aberración" unha reforma electoral que cre que sairá adiante. Fíxoo nunhas declaracións na Cadena Ser, na que se amosou convencido de que o PP sacará adiante tamén o recorte de deputados en Galicia.
Pujol comparecerá no Parlament o vindeiro 22 de setembro e aceptará preguntas. Así o asegurou a presidenta da Cámara catalá nunha entrevista.
Eldiario.es analiza a situación de Alfon, o mozo de Vallecas detido na folga xeral do 14-N e que será xulgado o vindeiro 18 de setembro tras ser acusado de posuír explosivos e a quen a acusación pide máis de cinco anos de cadea.
Primeira querela en Arxentina contra Israel por xenocidio. Cidadáns daquel país acusan o Estado xudeu de crimes de guerra e delitos de lesa humanidade.
O 23% dos cataláns apoia celebrar a consulta diga o que diga o Constitucional, mentres que o 45% considera que se debería acatar unha sentenza en contra, segundo unha enquisa que publica El País.
O PSdeG leva ao Parlamento e aos concellos o seu rexeitamento á reforma electoral que propon o PP.
A Assemblea Nacional Catalana (ANC) presenta a súa delegación galega o vindeiro luns en Compostela. Esta asemblea exterior é unha das que a entidade ten en 26 países diferentes para "difundir internacionalmente o proceso catalán".
A xuíza da Pokémon aprecia que Paula Prado cometeu catro delitos. Segundo Aduanas, tería facturado ao Concello a través de Vendex e Aquagest.