As plataformas do movemento 15M convocan varias manifestacións neste domingo, en Madrid, Barcelona, Sevilla ou Valencia, cando fan case dous anos do nacemento do movemento, o 15 de maio de 2011.
Fálase
-
O Goberno adía tamén a aprobación da lei do aborto ante a división interna que xera. Saenz de Santamaría matiza a Gallardón e admite que a fórmula está en discusión e será Rajoy o que decida sobre a prohibición do aborto por malformación
Iván Prado recolle o Premi Esperança 2013 polo traballo de Pallasos en Rebeldía en Palestina. O galardón outórgao anualmente a comunidade palestina de Catalunya. Segundo o premiado, "eu son pallaso porque no 2004, cando fun a Gaza, unha nai cos ollos chorosos agradeceume ver o seu fillo rir despois de moitos meses. E aí aprendín que o riso é o alimento da esperanza e a esperanza é o motor da humanidade".
O Goberno central pon a Deputación de Ourense como "exemplo de racionalización do gasto". Cóntao El País.
Un sindicato da Garda Civil reclama "exames psicolóxicos" para os mandos do Instituto Armado en Bizkaia polas súas "taras mentais" e subliña que algúns deles seguen a empregar a expresión "isto con Franco non pasaba". Recólleo El Correo.
O xuíz enmarca na "liberdade de expresión" o escrache a Soraya Sáenz de Santamaría e arquiva a causa. En RTVE.es
#consellodaxunta Feijóo evita "pronunciarse" sobre a eliminación do suposto de malformación na futura lei do aborto, pero defende a "lexitimidade" do gabinete de Rajoy para desenvolver a reforma.
#consellodaxunta A Xunta, explica Feijóo, declara de interese turístico as festas do melindre (Melide), do choco (Redondela) e do salmón (A Estrada)
#consellodaxunta A Xunta amplía os convenios co Colexio de Psicoloxía para asistir mulleres vítimas de violencia machista e desenvolver programas de recuperación de maltratadores.
#consellodaxunta Feijóo detalla un "plan de recuperación da escribenta das canabeiras", unha ave que vive en humidais.