Medio milleiro de persoas protestaron contra a homofobia en Sada. A acción fora covocada días atrás para denunciar o artigo publicado no Xornal Mariñán a Asociación de Empresarios da localidade e que finalmente forzou a dimisión da súa directiva.
Fálase
-
Comeza a folga dos estibadores, que busca que a patronal garanta todos os empregos. Os traballadores pararán en horas impares durante as vindeiras 24 horas. Un total de 6.150 persoas están chamadas á folga.
A catro días das eleccións no Reino Unido, Teresa May defende endurecer as medidas contra o extremismo islámico: "Hai demasiada tolerancia", dixo
O Rápido de Bouzas toma vantaxe na súa eliminatoria do play-off de ascenso á Segunda B. Derrotou en Gran Canaria o Santa Brígida por 0-1
A investigadora Iria Presa difunde na rede o expediente do poeta Manoel Antonio na "Escuela de Náutica de Vigo", que recuperou nun arquivo de Bilbao
CCOO presentará publicamente este luns a súa proposta de unidade de acción sindical, que xa lles trasladou a UGT e CIG. O novo secretario xeral da central, Ramón Sarmiento, xa avanzara que unha das súas primeiras actuacións sería formular esta proposta
Juan Goytisolo morre en Marrakech aos 86 anos de idade. A saúde do escritor, Premio Cervantes en 2014, empeorara nos últimos meses.
O Goberno municipal de Ferrol impulsará unha moción de confianza para aprobar os seus orzamentos, unha fórmula xa empregada pola Coruña ou Lalín, entre outras localidades. Denuncia "unha pinza" de PP e os tres edís do PSdeG-PSOE fieis a Beatriz Sestayo que "están pensando xa en 2019 en lugar de pensar nos veciños e veciñas de Ferrol".
Silleda celebra este domingo unha consulta popular sobre o traslado da súa Casa Consistorial. O goberno local busca agrupar nunha soa sede as dependencias municipais, agora repartidas en tres lugares diferentes da localidade. As urnas pecharán ás 20 horas e os resultados coñecerense ao redor das 21.30 horas.
O PSdeG-PSOE reclama "xulgados de reforzo" nas sete cidades galegas ante o "aluvión de demandas" polas cláusulas solo bancarias. Hai uns días o Consello da Avogacía Galega tamén se pronunciou contra a decisión de centralizar os litixios hipotecarios en só 4 xulgados na Coruña, Lugo, Ourense e Vigo.