Lectura recomendada: o mellor da semana en Cadernos de comunicación e análise, a revista galeguista da diáspora galega. Na semana que hoxe remata, seleccionamos as novas referidas á crise do Centro Galego de Bos Aires e a responsabilidade da Xunta no asunto, as declaracións da presidenta da federación de emigrantes retornados sobre o novo éxodo migratorio español, a reivindicación dos emigrantes sobre o acceso á Lei de Dependencia en condicións de igualdade cos residentes, o debate sobre unha nova reforma da Lei electoral e o posible proceso de fusións entre entidades galegas no exterior impulsado desde a Xunta.
Fálase
O Centro Social A Esmorga, de Ourense, vén de programar unhas xornadas políticas nas que participarán Josep Lluís Carod-Rovira, Niko Moreno e Xosé Manuel Beiras. Os poñentes abordarán varios aspectos sobre a "crise territorial que atravessa o Estado espanhol". A primeira xornada é o 15 de marzo
Ducias de veciños acudiron esta mañán ao chamado da Plataforma pola Defensa da Sanidade Pública á Capela e á Graña. Exixen á Xunta o Centro de Saúde para os veciños, que o Goberno galego pretende clausurar. Un grupo de veciños leva días pechado no consultorio. A imaxe é de Susete'70
Vladimir Putin vence as eleccións en Rusia. Así o avanzan xa as enquisas a pé de urna que recollen tanto os medios locais como internacionais. Tería o apoio do 60% do electorado. É unha nova de última hora que podedes consultar na BBC. A imaxe é de Reuters para a BBC
Morreu o deseñador e ilustrador Ralph McQuarrie. Foi o artífice de Darth-Vader e Chewbacca. "Sempre serás a estrela que máis brilla da nosa galaxia", destaca a súa páxina web oficial. Tiña 82 anos
Vídeo no que se pode observar unha presunta fraude nas eleccións rusas. Son numerosas as denuncias de coaccións e carretaxe que recolle a prensa internacional. Nas imaxes vése, supostamente, a falsificación de votos
O Obradoiro non foi quen de sorprender ao Real Madrid. O equipo compostelán fixo traballar arreo aos visitantes, pero finalmente o marcador foi desfavorable. O resultado final, 69-83
Unha imaxe curiosa de Moscova, capital de Rusia. Hoxe celébranse eleccións neste país, nas que Vladimir Putin aspira a tomar, de novo, os mandos do Goberno. A foto é de @russian_market
Un grupo de vinte militantes de Máis Galiza presenta unha proposta de resolución para que "+G siga a traballar dentro do BNG para lograr un novo marco de convivencia de tal xeito que, antes das próximas autonómicas, se logren avances serios, reais, públicos e verificábeis no sentido de sentido de asumir que no nacionalismo galego hai dous grandes proxectos e que, para conviviren na mesma organización, esta dualidade ten que se reflectir a todos os niveis". Este grupo de militantes demanda a construción dun novo proxecto político no BNG tendo en conta que a pasada asemblea "non serviu para pechar a crise" da formación.
Ampliaremos esta nova.
O BNG repartiu esta mañán en Vigo material informativo sobre a reforma laboral. Esta acción enmárcase dentro dos actos que está a levar a cabo a formación nacionalista contra a nova normativa do mercado de traballo e en preparación da folga xeral do 29 de marzo. Participaron Santi Domínguez Olveira, Carme Adán ou Olaia Fernández Davila