Morreu o deseñador e ilustrador Ralph McQuarrie. Foi o artífice de Darth-Vader e Chewbacca. "Sempre serás a estrela que máis brilla da nosa galaxia", destaca a súa páxina web oficial. Tiña 82 anos
![](https://praza.gal/media/cache/live_image/xornal/uploads/falase/foto/4f539a77c3efe-ralph_dvd.jpg)
Morreu o deseñador e ilustrador Ralph McQuarrie. Foi o artífice de Darth-Vader e Chewbacca. "Sempre serás a estrela que máis brilla da nosa galaxia", destaca a súa páxina web oficial. Tiña 82 anos
Vídeo no que se pode observar unha presunta fraude nas eleccións rusas. Son numerosas as denuncias de coaccións e carretaxe que recolle a prensa internacional. Nas imaxes vése, supostamente, a falsificación de votos
O Obradoiro non foi quen de sorprender ao Real Madrid. O equipo compostelán fixo traballar arreo aos visitantes, pero finalmente o marcador foi desfavorable. O resultado final, 69-83
Unha imaxe curiosa de Moscova, capital de Rusia. Hoxe celébranse eleccións neste país, nas que Vladimir Putin aspira a tomar, de novo, os mandos do Goberno. A foto é de @russian_market
Un grupo de vinte militantes de Máis Galiza presenta unha proposta de resolución para que "+G siga a traballar dentro do BNG para lograr un novo marco de convivencia de tal xeito que, antes das próximas autonómicas, se logren avances serios, reais, públicos e verificábeis no sentido de sentido de asumir que no nacionalismo galego hai dous grandes proxectos e que, para conviviren na mesma organización, esta dualidade ten que se reflectir a todos os niveis". Este grupo de militantes demanda a construción dun novo proxecto político no BNG tendo en conta que a pasada asemblea "non serviu para pechar a crise" da formación.
Ampliaremos esta nova.
O BNG repartiu esta mañán en Vigo material informativo sobre a reforma laboral. Esta acción enmárcase dentro dos actos que está a levar a cabo a formación nacionalista contra a nova normativa do mercado de traballo e en preparación da folga xeral do 29 de marzo. Participaron Santi Domínguez Olveira, Carme Adán ou Olaia Fernández Davila
O candidato do Partido Popular á presidencia da Junta de Andalucía, Javier Arenas, estivo esta mañán en Jaén nun acto electoral. Rematou a súa intervención co berro "Viva la Virgen de la Cabeza!", tal e como contan xornalistas que estaban cubrindo o acto. O tweet enlazado é dun redactor de El País en Jaén
En Portugal tamén se ultiman os trámites, como en Galicia, para a folga xeral. A CGTP convocouna para o 22 de marzo, unha semana antes que a CIG. Esta é a nova que se fai eco do rexistro do paro xeral no ministerio de Emprego portugués.
Elena Espinosa, oficialmente candidata á secretaría xeral do PSdeG. Finaliza a súa presentación en Santiago
Elena Espinosa presenta, nestes momentos, a súa candidatura á secretaría xeral dos socialistas galegos. Iván Puentes, Modesto Pose, Beatriz Sestayo, Lage Tuñas, Carmela Silva e Abel Caballero están na presentación. A foto, de @xuventudes