O Goberno de España renuncia ao diálogo coa Generalitat e regresa á estratexia da dureza coas autoridades catalás fronte ás demandas de autodeterminación
Fálase
-
Uns 1.800 fogares continúan sen luz en Galicia polo temporal, segundo Unión Fenosa Distribución. As vivendas afectadas polos cortes roldaron as 200.000 dende o pasado venres.
Milleiros de persoas apoian o ex-presidente catalán Artur Mas ante a sede do Tribunal Superior de Catalunya, onde será xulgado pola consulta sobre a autodeterminación do 9 de novembro de 2014. Está a retransmitilo en directo El Periódico e Catalunya Plural conta o minuto a minuto. O sinal ao vivo do xuízo, nesta ligazón.
Uns 4.800 fogares galegos seguían sen luz contra o remate da tarde deste domingo, segundo datos de Unión Fenosa Distribución. As vivendas afectadas polos cortes de subministro roldaron as 200.000 dende o comezo do temporal, o pasado venres.
O presidente da xestora do PSOE na Coruña desbota unha moción de censura co PP para desbancar a Marea Atlántica, como suxeriron os conservadores tras a votación da cuestión de confianza. "Evidentemente, non imos apoiar o PP", declarou Florencio Cardador a Radio Coruña.
Así foi a declaración pola que Anticorrupción pide reabrir o caso da 'caixa B' do PP: "Non podo precisar se levei 500, 1.000 ou 2.000 millóns de pesetas", dixo Francisco Correa, presunto líder da Gürtel. Transcrición en eldiario.es
Todo o litoral galego está en alerta laranxa este domingo por vento e ondas de máis de 5 metros. Nas áreas orientais de Lugo e Ourense a alerta é amarela por neve. Meteogalicia debulla os fenómenos adversos no seu boletín de alertas.
Pedro Sánchez continúa a súa campaña cara ás primarias e acusa a xestora do PSOE de deixar o partido "en terra de ninguén".
O galego Alberto Vázquez triunfa nos Goya con senllos premios á mellor longametraxe e á mellor curtametraxe de animación por Psiconautas e Decorado. O realizador debullou o seu traballo nesta entrevista con Praza o pasado verán.
Suspendido o Celta-Real Madrid deste domingo polos danos que o temporal causou no estadio de Balaídos. Así o avanzou o alcalde vigués, Abel Caballero, tras visitar as instalacións afectadas polo mal tempo. Cóntao Faro de Vigo
