A Plataforma Galega polo Dereito ao Aborto convoca concentracións nas sete cidades e na Mariña para a xornada na que a contrarreforma sexa aprobada no Consello de Ministros, algo que previsiblemente acontecerá este venres.
Fálase
-
Os portavoces dos grupos da oposición no Parlamento veñen de entregarlle un escrito á presidenta, Pilar Rojo, no que protestan pola reiterada falta de resposta ás súas preguntas por parte do presidente da Xunta nas sesións de control. Lembran a obriga de Núñez Feijoo de responder as cuestións da oposición, "no canto de inverter os roles e erixirse en interpelante da mesma"
Galicia, Mellor Sen Touradas superou xa as cen mil sinaturas (104.439) pedindo a fin das touradas na Coruña. A plataforma subliña "o grande interese" que está a recoller a proposta para confluir nunha “Fronte Antitaurina” programática nas vindeiras eleccións municipais de 2015.
O Parlamento aproba por unanimidade o impulso ao dominio.gal e comprométese a sumarse á súa fase pioneiros, que traerá consigo os primeiros sitios co dominio galego o vindeiro Día Nacional de Galicia.
O Concello de Ferrol contratou dúas veces Sermasa, empresa do Grupo Véndex, e concedeulle dúas prórrogas. A compañía xestionou o Teatro Jofre entre 2005 e 2012.
Urbaser despide 11 dos traballadores de recollida do lixo que dende hai 15 días se manteñen en folga en Lugo. Ademais, suspende de emprego e soldo outros 66, acusándoos de non cumprir os servizos mínimos. Os sindicatos acusan a empresa de "dinamitar" as negociacións e pídelle ao Concello que rescinda o seu contrato.
Julio Flores, portavoz do goberno municipal da Coruña e imputado por un posible delito de suborno, descarta dimitir e asegura que Negreira lle pediu que manteña "a cabeza fría"
El Periódico completa a enquisa de intención de voto publicada onte. Asegura que CDC e UDC obterían máis escanos por separado que presentándose en coalición. CDC mantería a representación de CiU e UDC acadaría 6-7 escanos, con moitos votos procedentes de PP e PSC.
O CSIC usa unha práctica ilegal para evitar facer fixos centos de traballadores. O organismo público fíxolles asinar aos seus traballadores un documento para eludir responsabilidades ante posibles demandas xudiciais.
José Antonio Pérez Tapias, candidato á Secretaría Xeral do PSOE, participará este xoves en senllos actos de apoio e recollida de avais nas sedes do partido en Ferrol e A Coruña
