O naval terá que devolver as axudas do tax lease, segundo acaba de anunciar Almunia nun almorzo informativo en Madrid. "O tax lease é incompatible e é necesaria unha devolución", asegurou o comisario de Competencia, que foi increpado por representantes de estaleiros españois. Máis información, nuns minutos en Praza.
O fiscal eleva a definitiva a petición de cárcere para os presuntos membros de Resistencia Galega. Demanda penas de 20 e 12 anos.
Portugal vive este xoves unha nova folga xeral, convocada por UGT e CGTP. Protéstase contra os recortes e denúncianse as declaracións de Pedro Passos Coelho, que onte afirmou no Parlamento que “o país precisa menos de greves e mais de trabalho”.
O Supremo dos EE UU declara inconstitucional a Lei de Defensa do Matrimonio, que non recoñece o matrimonio homosexual, defineo como "a unión entre un home e unha muller" e que lle nega beneficios fiscais a nivel federal.
100.000 estudantes maniféstanse en Santiago de Chile, apoiados por traballadores do cobre e portuarios, demandando "educación gratuita de calidade”. Esta fin de semana celébranse eleccións primarias.
Unha representación da conferencia de reitores esixiralle a Wert que o único requisito para repartir as axudas ao estudo sexa a renda e que non se desvíe un debate que, na súa opinión, é só económico.
Unha sentenza do Supremo anula un dos puntos máis controvertidos da Lei Sinde, polo que a retirada do enlace supuña unha infracción e era entendida como "un recoñecmento implícito da vulneración".
O Cineclube de Compostela pecha a tempada de proxeccións con Que veñen os socialistas, de Mariano Ozores, como resultado da súa derrota nas olimpíadas desputadas recentemente entre o Cineclube e Estaleiro Editora. Ás 21.30 na Gentalha do Pichel.
#sinsalsansimon comeza a dar "pistas" sobre os grupos que actuarán na edición 2013 do festival. "O Zach Condon ibérico" abrirá os concertos, que se celebrarán na illa de San Simón o 27 e 28 de xullo. Ademais Sinsal anuncia que Youth Lagoon actuarán en Compostela en novembro.
O deputado do PP Miguel Tellado sentenza no Parlamento que "os que critican as corridas de touros por crueis non son quen de condear o terrorismo". Tellado formulaba unha pregunta sobre a viaxe do conselleiro de Industria a México.
