O PP desactiva a fronte coas vítimas que apoiou na oposición. A protesta da AVT contra o Goberno rexistra a menor asistencia de todas as convocadas anteriormente.
![](https://praza.gal/media/cache/live_image/xornal/uploads/falase/foto/54c3b38215aaf-manifestacion-asociacion-victimas-terrorismo-madrid_ediima20150124_0217_14.jpg)
O PP desactiva a fronte coas vítimas que apoiou na oposición. A protesta da AVT contra o Goberno rexistra a menor asistencia de todas as convocadas anteriormente.
Anova celebra hoxe en Vigo a súa conferencia nacional sobre Municipais. A formación decidirá as fórmulas a empregar para acudir aos comicios locais, así como as formas xurídicas e o posicionamento da organización a respecto das deputacións
Abanca liquida as filiais das caixas que emitiron as preferentes. Escotet acaba con Caixanova Emisiones e Caixa Galicia Preferentes, que estaban inactivas pero que seguían a rexistrar beneficios.
O TSXG tomba o recurso do Concello da Coruña contra o prezo das expropiacións en Elviña e deberá pagar 20 euros por cada metro cadrado.
PSA exixe maior esforzo en loxística e produtividade aos provedores galegos. A dirección de compras da empresa ve "potencial de mellora" no sector de compoñentes vigués.
O Sergas abre unha investigación aos médicos do Meixoeiro en folga e argumenta problemas na calidade do servizo.
Montoro blinda na Axencia Tributaria os inspectores afíns ao PP tras un polémico concurso.
Prolingua denuncia graves erros lingüísticos nos carteis municipais das rúas de Bueu e convidan o Concello "a ser máis coidadoso no uso do idioma, reparar eses letreiros e intentar evitar que outros polo estilo ocupen no futuro as rúas e parques da localidade".
O papa négase a viaxar a España en ano electoral. Entre os motivos da negativa de Francisco, con cuxa presenza en Compostela en 2015, desexada pola Xunta, se especulou en varias ocasións, están tamén os escándalos da Igrexa española e a seguridade. Cóntao Jesús Bastante en El Diario
O analista Carlos Neira elabora unha edición especial d'O Mirante co gallo das eleccións gregas do domingo. A análise augura unha vitoria folgada de Syriza. Os escanos da formación de Tsipras sumados aos do KKE lograrían a maioría absoluta.