David Cameron podería dimitir como líder do Partido Conservador. O primeiro ministro do Reino Unido pretende así evitar que os tories sufran unha nova desfeita electoral nos vindeiros comicios, segundo revelou unha deputada conservadora e tras os malos resultados das eleccións municipais.
Catro ex directivos da caixa galega cobrarán 33 millóns máis ao cumprir 65 anos, ademais das indemnizacións xa percibidas. José Luis Pego, Javier García de Paredes, Óscar Rodríguez Estrada e Gregorio Gorriarán serán os beneficiados, segundo informa hoxe El País.
A Comisión Europea abre a porta a suavizar o cumprimento do déficit. O vicepresidente, Olli Rehen, avoga por "un pacto europeo polos investimentos" para impulsar o crecemento na Unión.
Gallardón asegura que os recortes "non son suficientes". O ministro de Xustiza asegura que o axuste impulsado polo Goberno do PP "non son o principio do fin" porque "aínda non so suficientes", pero si "imprescindibles".
Deportes. O Celta vence en Sabadell (1-2) con goles de Álex López e Orellana e continúa forte na loita polo ascenso directo. Mañá en Riazor, o Deportivo enfróntase ao Valladolid, a quen tentan dar caza os celtiñas.
Zënzar presenta hoxe o seu novo disco na sala Josfer, de Mesón do Vento (Ordes). O novo traballo do grupo galego, Vaise armar, está xa á venda.
Zënzar presenta hoxe o seu novo disco na sala Josfer, de Mesón do Vento (Ordes). O novo traballo do grupo galego, Vaise armar, está xa á venda.
O Supremo ordena revisar o fallo a favor da supramunicipalidade de Ence. O Concello de Pontevedra ve na sentenza un "pau" ao TSXG, a Xunta e a empresa, e prevé que terá "enormes" consecuencias prácticas.
O Supremo ordena revisar o fallo a favor da supramunicipalidade de Ence. O Concello de Pontevedra ve na sentenza un "pau" ao TSXG, a Xunta e a empresa, e prevé que terá "enormes" consecuencias prácticas.
O Concello da Coruña saca a poxa os coches oficiais do anterior Goberno local e ponos en exposición na praza de María Pita. Imaxe de @sirborch
