Adif anuncia o remate do segundo túnel máis longo do AVE galego, que debía estar finalizado hai dous anos. A vía dereita do túnel do Espiño, duns 8 quilómetros entre A Gudiña e Vilariño de Conso, foi adxudicada no verán de 2012 con tres anos de prazo de execución. A demora é o dobre do suposto ano de “parálise” das obras polo Goberno en funcións.
O canteiro de Sebil, documental sobre Xohán Xesús González realizado polo Quinteiro do Umia, estrearase o 12 de outubro en Cuntis. Xa se pode ver o seu trailer
Membros da subcomisión que analizaba os tratamentos contra a Hepatite C e que declararon este mércores ante o xuíz recoñecen que nalgunha xuntanza "falouse do prezo", aínda que seguen negando que existiran "criterios económicos". A Plataforma Galega de afectados sinala que “máis que limitarse a avaliar se se cumprían os criterios marcados, demostraron dispoñer de bastante autonomía para interpretalos e mesmo restrinxilos".
Persoal do Hospital da Coruña denuncian que 100 camas seguen pechadas, trala prevista inactividade do verán. Sinalan que hai pacientes con cancro "dispersados polos distintos andares" do centro
A Fiscalía da Audiencia Nacional investigará o cartel de Fe de etarras de Netflix. Unha asociación de gardias civís presentou unha denuncia por "humillación ás vítimas"
As detencións multiplican as protestas en toda Cataluña. 40 mil persoas concéntranse na Rambla e a Gran Vía de Barcelona. Os Mossos cargan para desfacer a protesta ante a sede da conselleria de Economía
O Congreso volverá debater o xoves 28, agora co apoio do PSOE, a creación da comisión de investigación de Angrois que piden as vítimas, adianta Europa Press na súa web. Este mércores os afectados lamentaron os obstáculos que segue a pór o PP e criticaron o seu “medo á política”.
A compañia granadina Etcétera, premio Galicreques 2017. O Festival Galicreques celebrarase entre o 14 e o 22 de outubro, convertendo Compostela un ano máis en referente para o xénero escénico dos títeres
O BNG denuncia ante a ONU en Xenebra a situación do Pazo de Meirás e pide a devolución do inmoble e a ilegalización da Fundación Francisco Franco. Máis información, esta tarde en Praza.gal.
O Festival Internacional de Cine de Ourense (OUFF) acollerá na súa inauguración a preestrea de Trinta lumes, de Diana Toucedo, longametraxe filmada no Courel. O público do festival tamén poderá ver en exclusiva as primeiras imaxes de Aquilo que arde, o novo filme de Oliver Laxe