A coordinadora nacional de Esquerda Unida, Yolanda Díaz, chama a "fortalecer AGE". "Non só depende de nós, tamén dos compañeiros de viaxe, que de seguro o farán", afirmou durante a súa intervención ante o plenario da asemblea da formación, que se está a celebrar en Compostela.
A presidenta do 'banco malo' gañou 33.000 euros por un mes de traballo. Cóntao El País.
Un grupo de militares maniféstase contra o goberno central para reclamar "liberdade de expresión" e canta Grândola, vila morena. Cóntao El Diario.
Calculan que as dietas dos antidisturbios que blindaron o Congreso dos Deputados polas mobilizacións desta semana custaron 120.000 euros. Recólleo Faro de Vigo.
Un xuiz do Supremo admite que participou na venda de preferentes, segundo conta Público.es
O anuncio de novos impostos e máis paro por parte do Goberno central marca hoxe as primeiras páxinas dos diarios impresos.
Hoxe Esquerda Unida celebra a súa asemblea en Compostela. Está previsto que este serán se voten as resolucións políticas e o novo Consello Político Nacional. (foto: @eva_solla)
Vén de comezar o Comité Nacional do PSdeG. Pachi Vázquez vaille propoñer aos membros deste órgano a celebración de primarias o 7 de setembro e o día 28 dese mesmo mes, o Congreso Nacional.
Cayo Lara denuncia en Compostela que "o Goberno pasou da mentira á desesperanza e vén de asumir o fracaso das súas políticas". Tamén manifestou o seu apoio a Xosé Manuel Beiras: "Ese xesto de indignación non é de estrañar nunha situación na que tanta xente sofre a violencia todos os días. É un xesto en plena sintonía co que está sucedendo na rúa".
A Xunta vén de facer públicos os contratos coas empresas de Marcial Dorado. A información, esta tarde en Praza.