Milleiros de persoas na cidade universitaria de Madrid para recibir a marcha mineira, convertida nun símbolo. Os mineiros durmirán en instalacións da Universidade, xa que o concello se negou a ceder calquera espazo. O hashtag #marchaminera é TT
![](https://praza.gal/media/cache/live_image/xornal/uploads/falase/foto/4ffc9270e8593-axd_flocqaamm3g.jpg)
Milleiros de persoas na cidade universitaria de Madrid para recibir a marcha mineira, convertida nun símbolo. Os mineiros durmirán en instalacións da Universidade, xa que o concello se negou a ceder calquera espazo. O hashtag #marchaminera é TT
A marcha mineira está entrando en Madrid pola A6, que está cortada. Diríxense á Porta do Sol despois de pasar por diante do Palacio da Moncloa, onde apuparon a Rajoy.
O Tribunal Constitucional exipcio anula a reactivación do Parlamento (con maioría islamita) decidida polo presidente Mohammed Mursi, despois de que a cámara fose anulada polo poder militar
O memorando do rescate español sintetiza en 20 páxinas as condicións que o Estado terá que cumprir para acceder á asistencia europea. Entre outras, figura a obriga de crear unha institución independente para supervisar a política fiscal e a transmisión da supervisión bancaria dende o Ministerio de Economía ao Banco de España. Podedes consultar o seu contido íntegro nesta ligazón.
El Blog Salmón analiza as condicións impostas a España pola intervención financeira da UE e céntrase nas participacións preferentes, polas que Bruxelas impide que os bancos ofrezan máis do 10% dos seu valor actual, que na actualidade é moi reducido. Iso significa que os 700 mil afectados pola estafa poderían perder todos os seus cartos retidos.
O Ministerio de Facienda convocou os sindicatos este mércores ás cinco da tarde, para explicarlles as novas medidas do Goberno para os empregados públicos, entre as que está a ampliación da xornada laboral e a posible eliminación dalgunha paga extra, o equivalente a unha rebaixa do 10% do soldo.
O diario El País adianta as 32 condicións que conterá o memorando que terá que asinar o Estado para acceder ao rescate
A taxa de paro en España seguirá crecendo o vindeiro ano, segundo un informe publicado hoxe pola OCDE. O organismo cre que a finais de 2012 a taxa chegará ao 24,5% e que en 2013 se situará no 25,3%
Vigo acollerá este mércores o congreso internacional Privacy Enhancing Technologies Symposium, centrado na privacidade e protección de datos na Rede. O obxectivo é favorecer a divulgación de avances para o deseño de ferramentas que non entren en conflito co dereito á intimidade dos usuarios.
O Club Deportivo Lugo inaugurará o seu retorno á Segunda División enfrontándose ao Hércules na primeira xornada de liga