O Eurogrupo conclúe sen resultado sobre Grecia. O novo ministro de Finanzas heleno non presentou unha proposta formal á espera de que o faga Tsipras, que opta por un debate político cos restantes primeiros ministros. O Eurogrupo debaterá mañá a proposta do Goberno grego, semellante á que xa se discutira antes do referendo.
O 71,5% dos españois e españolas consideran que a situación económica é mala ou moi mala, segundo o barómetro do CIS coñecido hoxe; na última enquisa a porcentaxe era lixeiramente superior (72,1%). Desemprego (78,2%) e corrupción (47,1%) seguen sendo os principais problemas, descendendo un pouco con respecto a maio; aumentan (do 19% ao 21%) os que nomean "os partidos" e "os políticos" como problema.
A nova proposta de Grecia acepta unha suba do IVE pero pon como condición unha reestruturación da súa débeda e unha mellora do seu financiamento, tomando como base a última oferta dos acreedores. Alemaña négase a esa reorganización da débeda
O PSOE "descarta" que Besteiro sexa senador por designación autónomica por estar citado como imputado no caso do Garañón. Faino despois de que o líder dos socialistas galegos comunicase este luns á dirección federal a súa decisión de renunciar a esa posibilidade mentres se manteña a imputación. O proceso de elección esteaba paralizado dende finais de xuño.
O CNI emprega un programa semellante a un troiano para realizar espionaxe informática. Cóntao eldiario.es a partir da revelación de datos pertencentes á empresa Hacking Team.
O Concello da Coruña pedirá un crédito de 10 millóns para pagar as facturas que deixou pendentes o anterior goberno e evitar o incumprimento legal que implicaría ser intervido.
O Constitucional avala que un farmacéutico non venda a pílula postcoital alegando obxección de conciencia.
Tsipras e o novo equipo negociador grego disponse a presentar unha nova proposta ao Eurogrupo e ao Consello Europeo para evitar a quebra mentres Alemaña teima en opoñerse a unha quita da débeda. En eldiario.es
Pedro Sánchez ratifica o seu aval á continuidade de Besteiro á fronte do PSdeG e lembra que o código ético do PSOE establece a dimisión no caso da apertura de xuízo oral.
PP, PSdeG e BNG votan contra a proposta de dedicacións exclusivas formulada por Compostela Aberta no pleno de organización de Santiago. O novo modelo ten que estar aprobado, como máximo, o vindeiro día 13.
