Segunda noite de graves disturbios en Burgos con incendios de caixeiros e colectores e varias cargas policiais.
![](https://praza.gal/media/cache/live_image/xornal/uploads/falase/foto/52d259fa7c4f6-1389482509406polissdn.jpg)
Segunda noite de graves disturbios en Burgos con incendios de caixeiros e colectores e varias cargas policiais.
O Obradoiro volve perder, desta vez na casa do Cajasol (80-71), e suma a súa cuarta derrota consecutiva. Na LEB Ouro, o Breogán vence o Barcelona (70-65), o Básquet Coruña cae en Logroño (80-58) e o COB Ourense perde a última hora contra o Burgos (74-75).
A reestruturación financeira deixa Galicia sen 650 oficinas. O país perdeu unha cuarta parte da rede comercial das entidades desde 2008, especialmente nas provincias de Ourense e Pontevedra.
O PSOE gañaría as eleccións xerais, segundo unha enquisa que publica El País. Superaría en 1,5 puntos o PP, mentres que IU e UPyD manteñen o seu ascenso. O 80% da poboación rexeitaría a reforma da lei do aborto, segundo os mesmos datos.
O Celta remonta e gaña 2-1 ao Valencia en Balaídos con dous tantos de Charles. O Deportivo non pasa do empate ante o Girona (0-0) pero acaba a primeira volta como campión de inverno en Segunda.
Masiva manifestación en Bilbao con máis de 100.000 persoas que claman por consolidar a paz en Euskadi. A marcha supón unha unidade de acción sen precedentes desde o pacto de Lizarra.
A ministra Ana Pastor achégase a escoitar as demandas de preferentistas e emigrantes retornados nun acto na Guarda. "Sentímonos roubados", manifestáronlle os afectados, que se manifestaban ás portas do castelo ao que se desprazou a titular de Fomento.
O sector crítico da CIG en Citroën abandona o sindicato e afíliase á CUT tras a expulsión dun membro o pasado mes de novembro e a solicitude para facer o mesmo con outros seis compañeiros.
Falece o ex primeiro ministro israelí Ariel Sharon logo de oito anos en coma. Liderou o país hebreo entre 2001 e 2006 e foi tamén ministro de Defensa ou de Relacións Exteriores.
A infanta Cristina rexeita recorrer a súa imputación no caso Nóos. A Casa Real di estar satisfeita con esta decisión da filla do monarca.