Estoupa un artefacto explosivo nunha sucursal bancaria en Tui sen causar feridos. A desaparición de cartos fai dubidar se foi un atentado ou un atraco.
Fálase
O perfil de Enrique Iglesias en Twitter anuncia, con mención á Xunta, a "estrea" do vídeo que o Goberno galego financiou con 300.000 euros. A montaxe xa foi difundida por varios medios a pasada fin de semana.
SinPermiso publica varios textos que analizan as negociacións entre Grecia e a UE e o acordo finalmente acadado. O xornalista alemán Tom Strohschneider salienta que Syriza "impulsou a repolitización da xestión da crise na UE, o que tamén contribuíu a mellorar as circunstancias políticas das esquerdas no resto de países. O economista James K. Galbraith subliña que "Varoufakis e os representantes de FMI, a Comisión e o BCE salvaron Europa da catástrofe á que irresponsablemente a abocaban varios ministros de finanzas do Eurogrupo".
Retómase o debate de política xeral no Congreso coa intervención do líder do PSOE, Pedro Sánchez. Pódese seguir ao vivo en Eldiario.es
A Policía trabúcase de enderezo á hora de levar a cabo un desafiuzamento en Xixón e deixa durante varias horas na rúa os seus propietarios
Rajoy di que España creará "medio millón de empregos netos" cada ano e presume do que tería logrado o seu goberno, nun discurso no Debate do Estado da Nación que a oposición cualifica de "euforia e propaganda".
O pleno da Deputación de Lugo declara a conselleira de Sanidade "persoa non grata" por "negarlles aos lucenses, reiteradamente, os servizos de hemodinámica 24 horas, radioterapia e medicina nuclear" no Hospital Lucus Augusti. A declaración foi aprobada por PSdeG e BNG.
O alcalde de Vimianzo, Manuel Antelo, deixa de estar imputado pola tramitación da frustrada moción de censura que un grupo de concelleiros quixo presentar en 2013, abortada pola expulsión do PSdeG de tres deles, o que os converteu en tránsfugas, invalidando o seu voto. No seu escrito o fiscal critica os recorrentes por usar a vía penal para resolver contendas "partidarias"
O reitor da USC, Juan Viaño, subliña que investir en educación e formación "debería ser prioritario". Contesta así ás palabras da secretaria de Estado de Educación, Montserrat Gomendio, que este luns afirmou que o actual sistema universitario é "insostible"
A Plataforma Salvemos Catasós entregoulle máis de 11 mil sinaturas ao Valedor que demandan unha alternativa ao proxecto de construción da liña de alta tensión O Irixo-Lalín que poida evitar a corta indiscriminada de árbores na fraga de Catasós