Dous infantes e dous curmáns do rei regularizaron 4 millóns de euros na amnistía fiscal. É unha das informacións contida na investigación conxunta de eldiario.es, La Marea e Diagonal na que se amosa que varias xeracións dos Borbón manexaron cartos fóra do control da Facenda española.
Hillary Clinton ten xa apoios dabondo para ser nomeada candidata demócrata á presidencia dos Estados Unidos, segundo sondaxes entre delegados das que dá conta a NBC. O nomeamento aínda non está, no entanto, asegurado.
A Xunta deixa deserto o concurso para contratar 5 avións contra incendios ao non recibir ningunha oferta. O pasado febreiro a patronal dos helicópteros conseguiu tombar outro concurso de Medio Rural para contratar as brigadas helitransportadas.
As fiscalías galegas prorrogan 1.200 causas en dous días para evitar que fiquen impunes por mor da nova lei de axuizamento. Recólleo Faro de Vigo
Feijóo di ser o único candidato con "liberdade para servir a Galicia", porque os demais "teñen as mans atadas pola UPG, Sánchez, Rivera e Iglesias". Asegurouno na Xunta Directiva do PPdeG.
O goberno local de Pontevedra acorda recorrer a prórroga de ENCE ante a Audiencia Nacional. Faino despois de que o Ministerio de Medio Ambiente non respondese ao requerimento ao respecto formulado dende o Concello.
Leiceaga reclámalle á Xunta "máis información" sobre o futuro de Alcoa e lembra, ante a posibilidade de venda das factorías, que a empresa sempre contou con axudas públicas. Afirmouno durante unha visita á fábrica da metalúrxica en San Cibrao.
O BNG presenta a súa web de campaña para as xerais, con información e material gráfico da formación nacionalista
O Banco de España, formalmente acusado de prevaricación pola caída das caixas de aforro. Cóntao en exclusiva o diario Ara
Unha filtración masiva de datos ligados a "grandes fortunas, funcionarios e empresas" comezará a ser publicada este martes en eldiario.es, La Marea e Diagonal, que avanzan aquí en que consistirá a información.