De Guindos asegura que "o FROB anunciará nas próximas horas unha inxección de capital en Bankia". Afírmao nunha entrevista en Onda Cero.
Fálase
Corenta concellos cataláns mudan simbolicamente o nome da súa Plaça de Espanya polo de Plaça de la Independència, nunha iniciativa da Assemblea Nacional Catalana, que quenta motores para a manifestación do 11 de setembro.
Os catro bancos nacionalizados perden máis de 7.500 millóns até xuño. Os números vermellos de Bankia, Banco de Valencia, CatalunyaCaixa e Novagalicia Banco derivan das dotacións para cumprir as reformas financeiras.
Pachi Vázquez reafírmase en El País na súa intención de chegar a acordos para gobernar: "os números están aí e en España as coalicións están á orde do día (...) Se os cidadáns deciden que haxa un Goberno de coalición, colaboraremos con iso".
A gasolina subirá 5 céntimos o 1 de xaneiro, pola fin das axudas aos biocarburantes. A alza, que se suma aos catro céntimos desta fin de semana pola alza do IVE, afectará especialmente ao gasóleo.
Morre aos 92 anos Sun Myung Moon, o fundador e mesias da Secta Moon (ou Igrexa da Unificación), un dos grandes apoios do conservadurismo norteamericano (sobre todo de Nixon e Reagan) e instrumento na loita contra o comunismo na Guerra Fría.
Finalizou a segunda xornada da Terceira División. Rácing de Ferrol e Pontevedra lideran a clasificación, con 6 puntos.
Bergantiños 0 -2 Betanzos
Negreira 0 - 1 Somozas
Céltiga 1 - 1 Racing Vilalbés
Narón 0 - 1 Cerceda
Pontevedra 1 - 0 Alondras
Celta B 0 - 0 Rápido de Bouzas
Barbadás 1 - 2 Deportivo B
Ordes 0 - 1 Vilalonga
Compostela 4 - 0 Dorneda
As Pontes 0 - 2 Racing de FerrolVitoria do Coruxo e empate do Ourense na Segunda División B: Guijuelo 1 - Ourense 1 e Coruxo 1 - Salamanca 0.
Jorquera pídelles aos deputados galegos do PP que rexeiten no Congreso o Decreto das Preferentes. Nun acto en Salceda de Caselas, o candidato do BNG criticou a carga policial deste sábado en Soutomaior contra un grupo de afectados por esta estafa, que protestaban nun acto dos populares.
- Beiras conclúe que "a oferta está lanzada" e que agora son as formacións ás que facemos o chamamento as que deben tomar unha decisión "e despois a cidadanía valorará quen mira polo interese xeral e quen mira pola súa curtina". Beiras afirma que "nós non somos o centro desa fronte, só os que demos o paso de forma máis aberta"