Extremadura compensa o IVA cultural con subvencións a entradas a espectáculos. O goberno de Monago destina 500.000 euros para contarrestar a suba do imposto
Fálase
Izquierda Plural propón declarar o 18 de xullo como día de condena do franquismo. "España segue pendente dun debate público e profundo sobre as violacións sistemáticas dos dereitos humanos e sobre os crímes cometidos baixo a ditadura de Franco", di a iniciativa.
O PP perdería a alcaldía de Madrid se hoxe houbese eleccións, segundo unha enquisa de El País. Os populares perderían 10 concelleiros e IU duplicaría os seus resultados.
O BNG preguntará ao Goberno polo veto ás bandeiras nacionalistas galegas dos afeccionados do Deportivo en Valladolid. Anunciouno a deputada Rosana Pérez.
Este martes estréase nos cines El Cosmonauta, o primeiro filme español rodado grazas ao crowdfunding. Conta con ao redor de 4.500 investidores, que achegaron dende dous euros até uns poucos centos.
Os traballadores de La Voz de Galicia viven este martes unha "xornada de loito" pola "pretensión da empresa" de non aplicar o convenio colectivo. A empresa pode propoñer unha forte redución de salarios e pluses.
Un estudo do Pew Research Center amosa un descenso de 15 puntos no apoio á UE, principalmente en Francia e España, onde só o 46% apoia o proxecto. Tamén detecta opinión moi negativas sobre a situación económica e a súa evolución futura, sobre todo nos países do sur, ao contrario que en Alemaña.
A Xunta anuncia que Feijóo e o "Ministro General da Orde Franciscana" asinarán mañá "o Protocolo Xeral de Colaboración entre a Xunta de Galicia e a Orde Franciscana". O Goberno galego promoveu a declaración de "especial interese público" do aniversario da chegada de Francisco de Asís a Santiago..
Radio Nacional de España tamén lle deu voz ás recomendacións sobre a vestimenta dos adolescentes que apareceron no Telediario. Fíxoo a través do programa España Directo, nunha peza titulada No me gusta cómo viste mi hijo ¿Qué hago?
Atacan a web do PP de Pontevedra e inclúenlle imaxes relativas ao colectivo Anonymous.