El País recolle a "orixe" da "falsa vinculación" da Plataforma de Afectados pola Hipoteca con ETA, suxerida pola delegada do Goberno central en Madrid. Cifuentes asentaría o seu argumento en que Stop Desafiuzamentos Bizkaia apoiou unha manifestación a prol do achegamento de presos a Euskadi.
Fálase
A Plataforma Veciñal Corno do Monte convoca unha concentración contra a mina de feldespatos que a empresa de Castellón Minercer S.L. pretende levar a cabo en Xinzo. A concentración terá lugar o mércores ás 12 da mañá e terá como lema A mina ou nós
As Nuevas Generaciones do PP en Castellón lanzan a campaña #Quenotelíen, coa que convidan a mocidade a delatar o profesorado que considere que exerce "adoutrinamento ideolóxico". Instan a realizar denuncias públicas en Twitter ou "anónimas" a través do correo electrónico. Recólleo El Periódico de Catalunya.
A Muralla de Lugo disponse a pasar o seu primeiro 'exame' ante a Unesco trece anos despois de ser declarada Patrimonio da Humanidade. Cóntao El Progreso.
A delegada do Goberno central en Madrid, Cristina Cifuentes, enmarca a Plataforma de Afectados pola Hipoteca dentro dos "grupos filoetarras". Díxoo nunha entrevista en RNE.
O Ministerio de Fomento publica este luns no BOE un anuncio referido ao treito da autovía A-8 entre Mondeñedo e Lorenzana para referirse a Mondoñedo e Lourenzá.
O Concello de Lugo rematou o ano 2012 con máis de 13,5 millóns de euros de superávit, segundo vén de informar a través dun comunicado
O BNG de Vigo ofrécelles friameiras aos edís do PP durante a defensa dunha moción contra a suba de prezos dos comedores escolares da Xunta.
Popularízase unha aplicación que crea tuits simulando ser escritos por calquera conta de usuario. Let Me Tweet That For You mesmo crea retuits e favoritos tamén falsos.
Sin Permiso publica un dossier sobre o rescate de Chipre con textos de Aditya Chakrabortty, Alejandro Nadal, Larry Elliott, Paul Krugman, Michael Roberts, Yanis Varoufakis e Francisco Louça.