A enquisa do CIS de estimación de voto para os comicios en Andalucía deixa ao PP ás beiras da maioría absoluta. Javier Arenas, líder dos conservadores, obtería entre 54 e 55 escanos. O PSOE perdería entre dez e doce deputados, cun resultado estimado de 44-46 escanos. Izquierda Unida melloraría o seu resultado de 2008 en ata 4 deputados ata un máximo estimado de dez.
Fálase
Consello da Xunta: Feijóo volve sacar peito ante o resto de autonomías, a maioría gobernadas tamén polo PP. "Pagamos mellor que os demais", asegura, e insiste en que está a "incrementar os servizos públicos esenciais".
Consello da Xunta: O Goberno galego crea os 'Premios Coopera' para distinguir os "mellores proxectos piloto" de servizos compartidos entre concellos. "Unha proposta desenfadada" para promover as fusións municipais, di o presidente.
Consello da Xunta: Feijóo defende a candidatura galega para ter un dominio propio en Internet. Compromete o apoio da Xunta á Asociación .Gal "para ter constancia específica de Galicia no mundo"
Consello da Xunta: Máis fondos públicos para as urbanizacións de Barreiros, na Mariña de Lugo. 10 millóns de euros para dotar de abastecemento e saneamento de augas a vivendas que foron construídas sen servizos. A metade págaa o Concello con fondos "dos promotores", o 40% pono a Xunta e o 10%, a Deputación de Lugo.
Consello da Xunta: Feijóo di que a Xunta non está en "alarma", pero si "en alerta" pola seca. Realiza un "chamamento ao consumo responsable de cada pinga de auga" e anuncia un protocolo para "mellorar a liquidez" das explotacións agrogandeiras se non chove en marzo.
O Congreso convalida a reforma laboral por 197 votos a favor, 142 en contra e ningunha abstención. A norma tramitarse como proxecto de lei.
A Axenda Aberta, o espazo colaborativo que recolle os eventos culturais, políticos e de movementos sociais de Ferrolterra cumpre un ano. Axenda Aberta é unha iniciativa impulsada por un pequeno grupo de persoas de Ferrol, que viron a necesidade de ter un mínimo de coordinación entre todo o movemento asociativo da comarca: "Coñecer as convocatorias e actividades das outras organizacións é un pequeno comezo para tecer unha rede de colaboración que multiplique esforzos e evite duplicidades, favorecendo os obxectivos comúns".
José Esquinas lembra en Attac.tv a importancia da biodiversidade agrícola na loita contra a fame
Twitter está dispoñible en 28 idiomas, Google+ en 60 e Facebook en 96. Cóntao Marketing Directo.